Кольчатыя чэрві

? Кольчатыя чэрві
Дажджавы чарвяк
Навуковая класіфікацыя
Царства:	Жывёлы
Раздзел:	Двухбакова-сіметрычныя
Тып:	Кольчатыя чэрві
Навуковая назва
Annelida Lamarck, 1809
Сістэматыка на ВікіВідах Выявы ў ВікіСховішчы ITIS   64357 NCBI   6340

Кольчатыя чэрві (Annelida), анеліды, кальчацы — тып беспазваночных жывёл.

Адрозніваюць 3 класы:

• малашчацінкавыя чэрві (каля 5 тыс. відаў),
• многашчацінкавыя чэрві (больш за 6 тыс. відаў),
• п'яўкі (каля 300 відаў).

Паходзяць з сярэдняга кембрыю. Пашыраны ўсюды, жывуць у морах, прэсных вадаёмах, глебе. На Беларусі найбольш пашыраны малашчацінкавыя чэрві і п'яўкі.

Найбольш высокаарганізаваныя чэрві з другаснай поласцю цела — цэломам. Даўжыня ад доляў міліметра да 3 м. Цела сегментаванае, укрыта тонкай кутыкулай. Колжасць сегментаў — да некалькіх соцень. На баках кожнага сегмента органы руху — параподыі. Дыханне праз кугыкулу, у некаторых ёсць шчэлепы. Маюць стрававальную, выдзяляльную, нервовую сістэмы, большасць — прымітыўную крывяносную сістэму (сэрца няма), органы смаку, нюху. Органы слыху пабудаваны па тыпу лакатараў. Раздзельнаполыя або гермафрадыты. Размнажэнне бясполае (пачкаванне) і палавое. Развіццё прамое або з ператварэннем (лічынка трахафора).