Reido

Reido
Асноўная інфармацыя
Жанры	раней funeral doom death цяпер полірытмічны sludge doom
Гады	2002-па сённяшні дзень
Краіна	Беларусь
Горад	Мінск
Адкуль	Мінск
Мова песень	Англійская
Лэйблы	Solitude Productions, Slow Burn Records
Склад	Аляксандр Качар Антон Мацвееў
myspace.com/reidosystemc…
Медыяфайлы на Вікісховішчы

Reido — беларускі англійскамоўны метал-гурт, які выконвае музыку ў жанры эксперыментальнага doom metal.

Гісторыя

Праект Reido заснаваны ў 2002 годзе ў Мінску, стваральнікі, яны ж пастаянныя ўдзельнікі — Аляксандр Качар і Антон Мацвееў.

8 мая 2006 года выйшаў першы поўнафарматны альбом гурта «F:\all» на лэйбле Solitude Productions. Паводле стылю ён уяўляе сабой змрочную, цягучую мадэль funeral doom death metal з элементамі industrial.

Кастрычнік 2006 — Reido прадставілі сінгл «Detect Memory», які распаўсюдзіўся вольна праз Інтэрнэт. Адзіная песня сінгла ўжо паказвала змены, якія пачалі праяўляцца ў стылістыцы гурта.

11 лістапада 2011 года выйшаў другі па ліку поўнафарматны альбом «Minus Eleven» (ці «-11») на расійскім лэйбле Slow Burn Records. Стыль кардынальна змяніўся, музыка стала больш цяжкай, манатоннай і ў той жа час больш складанай тэхнічна. Цяпер гэта можна было б акрэсліць як полірытмічны sludge doom.

Пад канец 2016 года музыкі абвясцілі аб падрыхтоўцы да выхаду трэцяга альбома і прэзентавалі грамадскасці першы трэк «Deathwave».

Трэці альбом гурта атрымаў назву «Anātman». Альбом убачыў свет 18 кастрычніка 2019 года на брытанскім лэйбле Aesthetic Death.

Гурт традыцыйна запісваецца самастойна ў хатняй студыі Антона Мацвеева (Blastwave Records).

Удзельнікі

• Аляксандр Качар — гітара, спеў
• Антон Мацвееў — бас-гітара, гукарэжысура

Дыскаграфія

Альбомы і EP

• F:\all (2006)
• Detect Memory (сінгл, 2006)
• Minus Eleven (2011)
• Anātman (2019)

Кліпы

• «Zero Level Activity» (2006)

Спасылкі

• Старонка гурта на Last.fm
• Гурт на doom-metal.com (англ.)
• Гурт на Metal-archives (англ.)
• Інтэрв'ю з Reido на Metallibrary (руск.)