Андрэй Вязынскі

Андрэй Вязынскі
Род	Гальшанскія
Бацька	Іван Альгімонтавіч Гальшанскі
Маці	Агрыпіна Святаслаўна[d]
Жонка	Аляксандра Дзмітрыеўна[d]
Дзеці	Соф’я Гальшанская, Васіліса Гальшанская і Марыя Гальшанская[d]

Андрэй Іванавіч Гальшанскі або Андрэй Вязынскі (каля 1365 — каля 1410) — князь з роду Гальшанскіх

Біяграфія

Сын князя Івана Альгімонтавіча і смаленскай князёўны Агрыпіны Святаслаўны.

Упершыню згаданы пад 1401 годам разам з бацькам («князь Іван Альгімонтавіч са сваімі сынамі, а менавіта Андрэем, Сямёнам і іншымі»).

Быў у шлюбе з друцкай княжной Аляксандрай Дзмітрыеўнай (пам. 1426). Вядомы ў асноўным трыма дочкамі, з іх старэйшая Васіліса Гальшанская была жонкай (з 1422) бельскага князя Івана Уладзіміравіча, сярэдняя Соф’я — польскага караля Ягайлы і каралевай польскай, малодшая Марыя — гаспадара малдаўскага Іліі.

Дочкі пасля смерці бацькі выхоўваліся пры двары матчынага брата друцкага князя Сямёна Дзмітрыевіча.

Літаратура

• Wolff J., Kniaziowie litewsko-ruscy od końca czternastego wieku. Warszawa, 1895.