Антоній Падуанскі

Антоній Падуанскі
лац.: Antonius Patavinus
Імя пры нараджэнні	лац.: Fernandus
Род дзейнасці	прэсвітар
Дата нараджэння	15 жніўня 1195
Месца нараджэння	Лісабон, Партугалія
Дата смерці	13 чэрвеня 1231 (35 гадоў)
Месца смерці	Падуя
Месца пахавання	Базіліка Святога Антонія Італія
Грамадзянства	Каралеўства Партугалія
Веравызнанне	Каталіцкая Царква
Медыяфайлы на Вікісховішчы

Святы Антоній Падуанскі з Дзіцем Хрыстом. Абраз беларускай школы іканапісу. 1744 год.

Антоній Падуанскі (лац.: Antonius Patavinus, італ.: Sant'Antonio di Padova, парт.: Santo António de Lisboa; 15 жніўня 1195 — 13 чэрвеня 1231), Фернанда дэ Буён (Фернанду ды Бульёйньш, парт.: Fernando de Bulhões) — каталіцкі святы, прапаведнік, адзін з самых знакамітых францысканцаў.

Біяграфія

Нарадзіўся ў Лісабоне (Партугалія) і на хросце атрымаў імя Фернанду. Ва ўзросце 15 гадоў уступіў у ордэн аўгустынцаў-эрэмітаў у Каімбры і там прыняў святарскае пасвячэнне. Моцна ўражаны мучаніцтвам пяці францішканцаў, забітых мусульманамі, вырашае сам стаць францішканцам. Уступіўшы ў закон Меншых Братоў, прыняў імя Антоній. Спачатку ён выехаў на місію ў Марока, але з-за слабога здароўя мусіў неўзабаве вярнуцца.

Па дарозе дадому ў выніку караблекрушэння застаўся ў Італіі. Там у Антонія выявіліся вялікія прамоўніцкія здольнасці, і яго накіравалі ў Паўночную Італію, дзе дзякуючы сваім казанням ён хутка стаў папулярным. Пэўны час святы правёў у Францыі, а пасля вяртання ў Італію пасяліўся ў Падуі. Святы Францішак прызначыў яго першым настаўнікам тэалогіі для Меншых Братоў, настаўнікам францішканцаў.

Антоній памёр 13 чэрвеня 1231 года і менш чым праз год быў кананізаваны. Рэліквіі святога Антонія знаходзяцца ў прысвечанай яму базыліцы ў Падуі.

Спасылкі

• Каталіцкая энцыклапедыя Святы Антоній Падуянскі (англ.)