Багдан Саковіч

Багдан Саковіч
Герб «Памян»
Вялікі маршалак літоўскі 1480 — 1491
Папярэднік	Марцін Гаштольд
Пераемнік	Пётр Мантыгірдавіч Белы
Смерць	1491(1491)
Род	Саковічы
Бацька	Андрэй Саковіч
Дзеці	Альжбета з Саковічаў
Дзейнасць	дзяржаўны дзеяч, дыпламат

Багдан Саковіч (? — 1491) — дзяржаўны дзеяч Вялікага Княства Літоўскага.

Намеснік браслаўскі ў 1463—1474, маршалак гаспадарскі ў 1463—1477, намеснік полацкі ў 1477—1484, маршалак земскі з 1480 і адначасова ваявода троцкі з 1484.

Быў паслом да крымскага хана Менглі-Гірэя ў 1473, у Маскву ў 1474 і 1482.

Сям'я

З баярскага роду Саковічаў, старэйшы сын троцкага ваяводы Андрэя Саковіча.

Меў дачку Альжбету, якая стала жонкай Мікалая Радзівіла.

Літаратура

• Вяроўкін-Шэлюта У. Саковічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 536. — 792 с. — ISBN 985-11-0378-0 (т. 2), ISBN 985-11-0315-2.