Біль[5] (ням.: Biel) — горад на паўночным захадзе Швейцарыі, размешчаны ў кантоне Берн на беразе аднайменнага возера. Знаходзіцца ля падножжа першага горнага хрыбта на тэрыторыі масіва Юра, а таксама праходзіць праз адзіны бяспечны шлях у гэты масіў на паўночна-ўсходнім беразе Більскага возера, злучаючы ўсходні ўскраек возера са сваім горадам-пабрацімам — Нідаў. Насельніцтва горада — каля 55 тысяч чалавек (2017). З XIX стагоддзя з’яўляецца буйным прамысловым цэнтрам краіны, у тым ліку па вытворчасці гадзіннікаў.
