Валянціна Аляксандраўна Спярантава

Валянціна Аляксандраўна Спярантава
руск.: Валентина Александровна Сперантова
Дата нараджэння	11 (24) лютага 1904
Месца нараджэння	Зарайск, Зарайскі павет[d], Разанская губерня, Расійская імперыя
Дата смерці	7 студзеня 1978(1978-01-07) (73 гады) ці 6 студзеня 1978(1978-01-06) (73 гады)
Месца смерці	Масква, РСФСР, СССР
Месца пахавання	Новадзявочыя могілкі
Грамадзянства	Расійская імперыя  СССР
Адукацыя	Расійскі інстытут тэатральнага мастацтва[d]
Прафесія	акцёрка, кінаактрыса
Гады актыўнасці	1925 — 1977
Тэатр	Маскоўскі тэатр юнага гледача[d] Расійскі акадэмічны маладзёжны тэатр
Узнагароды	N.K. Krupskaya's state award[d]
IMDb	ID 0818248
Медыяфайлы на Вікісховішчы

Валянціна Аляксандраўна Спяра́нтава (руск.: Валентина Александровна Сперантова; 24 лютага 1904 — 7 студзеня 1978) — савецкая актрыса тэатра і кіно. Народная артыстка СССР (1970).

Біяграфія

Нарадзілася ў горадзе Зарайск Разанскай губерні. Вучылася ў гімназіі, потым у працоўнай школе. Паступіла ў Вышэйшыя мастацка-тэхнічныя майстэрні ў Маскве, але правучылася нядоўга. У 1925 годзе скончыла Дзяржаўны інстытут тэатральнага мастацтва і стала актрысай Першага Дзяржаўнага педагагічнага тэатра (пазней перайменаванага ў Маскоўскі тэатр юнага гледача). У час Вялікай Айчыннай вайны ў 1942—1944 гадах працавала ў франтавым тэатры Усерасійскага тэатральнага таварыства. З 1944 года — актрыса Цэнтральнага дзіцячага тэатра (цяпер Расійскі акадэмічны маладзёжны тэатр) ў Маскве. Выкладала ў тэатральным вучылішчы.

Творчасць

Упершыню выйшла на сцэну ў Зарайску ў аматарскім тэатры пад кіраўніцтвам вядомага скульптара Г. С. Галубкінай. З 1953 года здымалася ў кіно. Прымала ўдзел у агучванні мультфільмаў на студыі «Саюзмультфільм», у тэлевізійнай праграме «Добрай ночы, малыя!». Стварыла шэраг вобразаў на Усесаюзным радыё, у тым ліку травесці ў «Піянерскай зорцы».

Сярод выкананых роляў: Ягорка («Чорны яр» А. Афінагенава), Кукушкіна («Даходнае месца» А. Астроўскага), Бабуля («Зваротны адрас» А. Алексіна), Ліза («Гора ад розуму» А. Грыбаедава), Каробачка («Мёртвыя душы» М. В. Гогалая), бабуля Вера («Маладая гвардыя» А. Алексіна), Лена («Далёкі край» Я. Шварца).

Літаратура

• Спярантава Валянціна Аляксандраўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 123. — 10 000 экз. — ISBN 985-11-0035-8. — ISBN 985-11-0251-2 (т. 15).
• Сперантова Валентина Александровна // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)
• Спера́нтова Валентина Александровна // Кино: Энциклопедический словарь. / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — М.: Советская энциклопедия, 1987. (руск.)

Спасылкі

• Сперантова, Валентина Александровна (руск.) // Энцыклапедыя «Кругасвет»
• Валентина Сперантова // КИНО-ТЕАТР.РУ (руск.)
• Почему тетю Глашу из «Большой перемены» называли пионером советского травести: Валентина Сперантова (руск.) // Інтэрнэт-часопіс «Культурология. Ру»
• Ольга Бигильдинская Валентина Александровна Сперантова // РАМТрограф, Выпуск № 10, Январь-Февраль 2011 г. (руск.)