Дэвід Вайнленд

Дэвід Вайнленд
англ.: David J. Wineland
Дата нараджэння	24 лютага 1944(1944-02-24)[…] (80 гадоў)
Месца нараджэння	Мілуокі, акруга Мілуокі[d], Вісконсін, ЗША
Грамадзянства	ЗША
Род дзейнасці	фізік
Навуковая сфера	оптыка, квантавая механіка
Месца працы	NIST, Універсітэт штата Каларада
Альма-матар	Гарвардскі ўніверсітэт (1970) Каліфарнійскі ўніверсітэт у Берклі (1965) Encina High School[d]
Навуковы кіраўнік	Норман Рамзей
Член у	Нацыянальная акадэмія навук ЗША Амерыканская акадэмія мастацтваў і навук Аптычнае таварыства[d]
Узнагароды	медаль Фрэдэрыка Айвса[d] (2004) прэмія Герберта Вальтэра[d] (2009) медаль Бенджаміна Франкліна[d] (2010) лекцыя імя Вольфганга Паўля[d] (2013) прэмія Эйнштэйна ў вывучэнні лазераў[d] (1996) член Амерыканскага фізічнага таварыства[d] Davisson–Germer Prize in Atomic or Surface Physics[d] (1990) прэмія Артура Шаўлава ў вывучэнні лазераў[d] (2001) прэмія Вольфа па фізіцы William F. Meggers Award[d] (1990) I. I. Rabi Award[d] (1998) Samuel Wesley Stratton Award[d] (2003)
Медыяфайлы на Вікісховішчы

Дэвід Вайнленд (англ.: David J. Wineland; нар. 24 лютага 1944 г.) — амерыканскі фізік, лаўрэат Нобелеўскай прэміі па фізіцы (2012) (сумесна з Сержам Арошам) з фармулёўкай за «стварэнне прарыўных тэхналогій маніпулявання квантавымі сістэмамі».

Біяграфія

Дэвід Вайнленд нарадзіўся 24 лютага 1944 года ў сталіцы штата Вісконсін Мілуокі. У 1961 годзе ён скончыў школу Энсіна, размешчаную ў Сакрамента. У 1965 годзе ў Каліфарнійскім універсітэце ў Берклі ён атрымаў ступень бакалаўра, а ў 1970 годзе ў Гарвардскім універсітэце — ступень PhD. Яго дысертацыя была прысвечана мазерам на атамарным дэйтэрыі. Пасля гэтага Вайнленд працаваў у групе Ханса Георга Дэмельта ў Вашынгтонскім універсітэце. У 1975 годзе Вайнленд уладкаваўся ў Нацыянальнае Бюро Стандартаў, цяпер інстытут NIST у Боўлдэры. Сферай яго даследаванняў з’яўлялася оптыка і, у прыватнасці, лазернае астуджэнне іонаў у квадрупольных іонных пастках з наступным выкарыстаннем захопленых іонаў для выканання квантавых вылічэнняў.

Вайнленд з’яўляецца членам Амерыканскага фізічнага таварыства і Амерыканскага аптычнага таварыства. У 1992 годзе ён быў абраны членам Нацыянальнай акадэміі навук ЗША.

Прэміі і ўзнагароды

• 1990 — Прэмія Дэвісана-Джэрмера
• 1990 — Прэмія Мегерса
• 1996 — Прэмія Эйнштэйна ў лазернай фізіцы
• 1998 — Прэмія Рабі
• 2001 — Прэмія Артура Шаўлава
• 2007 — Нацыянальны навуковы медаль ЗША
• 2008 — Прэмія Герберта Вальтэра
• 2010 — Медаль Бенджаміна Франкліна
• 2012 — Нобелеўская медаль па фізіцы (сумесна з Сержам Арошам)