Жуан Ваш Кортэ-Рэал

Жуан Ваш Кортэ-Рэал
парт.: João Vaz Corte-Real
Род дзейнасці	падарожнік-даследчык
Дата нараджэння	каля 1420
Месца нараджэння	Фару, акруга Фару[d], Партугалія
Дата смерці	2 ліпеня 1496
Месца смерці	Ангра-ду-Эраіжму, Азорскія астравы, Партугалія
Грамадзянства	Каралеўства Партугалія
Падданства	Партугалія
Дзеці	Гашпар Кортэ-Рэал, Miguel Corte-Real[d] і Vasco Anes Corte-Real[d]
Медыяфайлы на Вікісховішчы

Жуан Ваш Кортэ-Рэал (парт.: João Vaz Corte-Real; каля 1420 - 1496 гг.) — партугальскі мараплавец, губернатар вострава Тэрсейра.

Паходзіў са знакамітага партугальскага рыцарскага роду. У 1472 г. або ў 1474 г. узначальваў экспедыцыю ў заходнюю Атлантыку, за што быў узнагароджаны зямлёй на востраве Тэрсейра. Быў губернатарам гэтага вострава. Падрабязнасці плавання вядомы вельмі дрэнна. Жуан Ваш Кортэ-Рэал абвясціў, што знайшоў Terra do Bacalhau (літаральна "зямлю траскі"). На партугальскіх картах XVI ст. яна пазначалася як востраў на шляху да Паўночнай Амерыкі. Некаторыя даследчыкі мяркуюць, што Жуан Ваш Кортэ-Рэал адкрыў востраў Ньюфаўндленд або Новую Шатландыю. У такім разе ён наведаў Новы свет раней за Хрыстафора Калумба. Адкрыццё шырока абмяркоўвалася пры дварах Заходняй Еўропы і магло паўплываць на станоўчае рашэнне аб арганізацыі экспедыцыі Х. Калумба.

Меў трох сыноў. Малодшы сын Гашпар Кортэ-Рэал узначальваў партугальскую экспедыцыю 1500 - 1501 гг., якая даследавала арктычныя тэрыторыі Паўночнай Амерыкі.

Спасылкі

• João Vaz Corte Real and successors
• João Vaz Corte Real: Navegador e Donatário