Земавіт I Мазавецкі

Земавіт I Мазавецкі
Siemowit (Ziemowit) I mazowiecki
князь мазавецкі 1248 — 1262
Папярэднік	Баляслаў I Мазавецкі
Пераемнік	Баляслаў II Мазавецкі
князь серадзскі 1259 — 1260
Папярэднік	Казімір I Куяўскі
Пераемнік	Казімір I Куяўскі
Нараджэнне	1215 ці 1224
Смерць	23 чэрвеня 1262
Род	Пясты
Бацька	Конрад I Мазавецкі
Маці	Агаф’я Святаслаўна[d]
Жонка	каля Пераяслава Данілаўна[d]
Дзеці	Конрад II Чэрскі, Баляслаў II Мазавецкі, Саламея Мазавецкая
Медыяфайлы на Вікісховішчы

Земавіт I Мазавецкі (польск.: Siemowit (Ziemowit) I mazowiecki, (каля 1215 — 23 чэрвеня 1262) — князь чэрскі (1247—1262), плоцкі (1248—1262), мазавецкі (1248—1262) і серадзскі (1259—1260), малодшы сын князя мазавецкага Конрада I і рускай князёўны Агафіі Святаславаўны Северскай. Адзін з польскіх князёў перыяду феадальнай раздробненасці.

Біяграфія

У 1247 годзе пасля смерці свайго бацькі, князя мазавецкага Конрада, Земавіт атрымаў у спадчынну частку Мазовіі са сталіцай у Чэрску. У 1248 годзе пасля смерці свайго бяздзетнага старэйшага брата, князя плоцкага Баляслава, Земавіт чэрскі атрымаў у валоданне астатнюю частку Мазовіі разам з Плоцкам, Візнай і Лівам. У 1248 годзе Земавіт мазавецкі разам з кракаўскім князем Баляславам Сарамлівым, князямі галіцкім Данілам Раманавічам і валынскім Васілька Раманавічам дзейсніў паспяховы ваенны паход на яцвягаў. У 1253 і 1255 гадах Земавіт мазавецкі распачаў два ваенныя паходы супраць яцвягаў.

У 1254 годзе ў Рачонжы Земавіт Мазавецкі заключыў дагавор з тэўтонскімі рыцарамі-крыжакамі аб падзеле яцвяжскай зямлі паміж Мазовіяй, Галіцыяй і Тэўтонскім ордэнам. У 1257 і 1260 гадах князь Земавіт мазавецкі двойчы падаўжаў мірныя дагаворы з Ордэнам.

23 чэрвеня 1262 года мазавецкі князь Земавіт I загінуў падчас уварвання ў Мазовію войска вялікага князя літоўскага Міндоўга. Яго старэйшы сын Конрад быў узяты ў палон і выведзены ў Літву. Новым мазавецкім князем стаў малодшы сын Баляслаў II, а рэгентам пры ім князь вялікапольскі Баляслаў Набожны (1262—1264), саюзнік Земавіта I Мазавецкага.

Сям'я

Быў жанаты з Пераяславай Данілаўнай (пам. 1283), дачкой князя Данілы Раманавіча Галіцкага. Дзеці: Конрад II (каля 1250—1294), князь мазавецкі, чэрскі і плоцкі, Баляслаў II Мазавецкі (1251—1313), князь мазавецкі, плоцкі і чэрскі, Саламея, манашка.