Кагаласка

Кагаласка
англ. Kagalaska
Характарыстыкі
Плошча	164 км²
Насельніцтва	0 чал.
Размяшчэнне
51°47′27,40″ пн. ш. 176°20′45″ з. д.
Акваторыя	Ціхі акіян
Краіна	ЗША
Кагаласка

Кагаласка (англ.: Kagalaska) — востраў у групе Алеуцкіх астравоў. Уваходзіць у склад амерыканскага штата Аляска. Плошча — 164 км². Незаселены.

Кагаласка — частка групы Андрэянаўскіх астравоў. Аддзелены вузкім пралівам (330 м) ад большага па плошчы вострава Адак на захадзе. Мае вулканічнае паходжанне. Сфарміраваўся ў выніку падняцця літасфернай пліты. У плейстацэнавы перыяд быў пакрыты ледавіком. Сушу пакрываюць горы да 760 м, скалы, вылучаецца вузкая паласа пляжа.

Клімат вільготны, пераходны ад умеранага да арктычнага.

Кагаласку насяляюць птушкі, лісы, грызуны, карыбу. Флора характэрная для тундры.

У старажытнасці востраў быў населены алеутамі, аднак да 1867 г., калі Расійска-амерыканская кампанія перадала яго ЗША, карэннае насельніцтва знікла. У нашы дні з'яўляецца часткай Аляскінскага марскога запаведніка.

Спасылкі

• Draft Environmental Assessment of Caribou Control on Kagalaska Архівавана 16 сакавіка 2017.
• Geology of Southern Adak Island and Kagalaska Island, Alaska