Любанскі бой (1794)

Любанскі бой — бой паміж 2-тысячным паўстанцкім атрадам Стэфана Грабоўскага і расійскімі войскамі каля мястэчка Любань у час Паўстання 1794 года. Атрад накіраваны Цэнтральнай дэпутацыяй Вялікага Княства Літоўскага ў рэйд па Мінскай губерні з мэтай актывізаваць там паўстанне. 4 верасня каля Любані паўстанцы сутыкнуліся з рэгулярнымі расійскімі войскамі князя Паўла Дзмітрыевіча Цыцыянава, былі акружаны і пасля бою капітулявалі. Рускія захапілі 250 палонных (у тым ліку Стэфана Грабоўскага) і 5 гармат.

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).