Любіста

Любіста лекавая
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Парасонакветныя Сямейства:  Парасонавыя Род:  Любіста (Levisticum) Від:  Любіста лекавая
Міжнародная навуковая назва
Levisticum officinale W.D.J.Koch
Сістэматыка на Віківідах Выявы на Вікісховішчы ITIS   29673 NCBI   48042 EOL   467097 GRIN   t:22014 IPNI   844187-1 TPL   tro-1700152

Любі́ста ле́кавая, Любіста аптэчная, Любісцік, Любісцік аптэчны, Любчык, Ладук, Сардэчнік, Любім (Levisticum officinale) — шматгадовая травяністая расліна сямейства парасонавых.

Апісанне

Вышыня да 2 м. Сцябло гопае, баразнаватае, пустое ўсярэдзіне. Лісце бліскучае, двойчы-тройчыперыстарассечанае. Кветкі белавата-жаўтаватыя, у парасоніках. Плод — двухсямянка.

Распаўсюджанне

Пашырана ў Еўропе і Заходняй Азіі. На тэрыторыі Беларусі вырошчваюць у садах, зрэдку дзічэе. Цвіце ў чэрвені—жніўні.

Выкарыстанне

Лекавыя, харчовыя і эфіраалейныя расліны. Традыцыйная прыправа ўкраінскай і нямецкай кухні. Са свежых каранёў гатуюць варэнне і цукаты. Эфірным алеем араматызуюць лекавыя і парфумерныя вырабы.

Літаратура

• Любіста // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш.. — Мн.: БелЭн, 1999. — Т. 9. — С. 396. — 560 с. — 10 000 экз. — ISBN 985-11-0155-9.
• Шкляр А. Любіста лекавая // Беларуская ССР: Кароткая энцыклапедыя. Т. 2. — Мн.: БелСЭ. 1979.