МАЗ-203

З Вікіпедыі, свабоднай энцыклапедыі
МАЗ-203
Вытворца Мінскі аўтамабільны завод
Месца вытворчасці Мінск, Сцяг Беларусі
Гады выпуску 2006–н.ч.
Тып гарадскі
Клас вялікі
Габарыты
Даўжыня, мм 12000
Шырыня, мм 2550
Вышыня, мм 3100
Колавая база, мм 5900
Умяшчальнасць
Месцаў для сядзення 28–37
Храналогія
◄МАЗ-103 МАЗ-303►
Фотагалерэя на Wikimedia Commons МАЗ-203 на Вікісховішчы

МАЗ-203 — нізкападлогавы гарадскі аўтобус Мінскага аўтамабільнага завода.

Дробнасерыйная вытворчасць аўтобуса пачалася з другога квартала 2006 года; першая буйная партыя з 50 аўтобусаў была выраблена ў першай палове 2007 (праведзена па замове Казані).

МАЗ-203 адпавядае еўрапейскім патрабаванням для перавозкі пасажыраў (Правілы ЕЭК ААН № 85, № 107). Аўтобус атрымаў спецыяльны прыз прафесійнага журы на 9-й маскоўскай міжнароднай аўтамабільнай выставе «Матор-шоў-2005»  (англ.) (бел., ён таксама прызнаны лепшым гарадскім аўтобусам вялікага класа на міжнародным аўтасалоне SIA-2006 (Кіеў).

Агляд[правіць | правіць зыходнік]

  • Пярэдняя частка салона
    Пярэдняя частка салона
  • Задняя частка салона
    Задняя частка салона

Тэхналогія вырабу кузава агульная для ўсіх аўтобусаў МАЗ другога пакалення (МАЗ-256, МАЗ-206, МАЗ-251, МАЗ-171) — каркас вырабляецца з ацынкаваных труб прамакутнага і спецыяльнага перасеку, у яго ўклейваюцца шклопластыкавыя панэлі ашалёўкі і шкла, прычым профілі накладак на швах не ўсталёўваюцца. Ужыта лабавое шкло панарамнага тыпу. У салоне можа быць усталяваны кандыцыянер. Пярэднія дзверы МАЗ-203 у базавай камплектацыі такія ж шырокія, як і ўсе астатнія (у адрозненні ад МАЗ-103, дзе адна палова пярэдніх дзвярэй выкарыстоўвалася для ўваходу ў кабіну вадзіцеля). Пазней па замове Мінска была распрацавана мадыфікацыя з перагародкай ў пярэдняй дзверы (як у МАЗ-103), што тлумачыцца недастатковым аглядам правага боку дарогі пры максімальнай загрузцы ў гадзіну-пік.

Аўтобус можа абсталёўвацца рухавіком Mercedes-Benz, Deutz, ММЗ агрэгатаваным з аўтаматычнай каробкай перадач. У канструкцыі аўтобуса ўжытыя партальныя мост і пярэдняя вось. Вышыня падлогі па ўсёй паверхні 330 мм ад палатна дарогі (у адрозненне ад МАЗ-103, у якога ўзровень падлогі павышаўся на задняй пляцоўцы). Усе колы абсталяваны дыскавымі тормазамі з пнеўматычным прывадам, акрамя таго, абсталяваныя сістэмамі ABS і ASR (антыпрабуксовачная сістэма).

Мадыфікацыі[правіць | правіць зыходнік]

Мадыфікацыя Гады выпуску Тып аўтобуса Рухавік Каробка перадач
МАЗ-203.015 гарадскі Mercedes-Benz OM926LA ZF 6АP1400В
МАЗ-203.016 гарадскі Mercedes-Benz OM926LA Allison T375w/Ret
МАЗ-203.025 гарадскі ЯМЗ 53613-50 ZF 6AP1400B
МАЗ-203.045 гарадскі Weichai WP7.300E51 FastGear FC6A140R
МАЗ-203.05* гарадскі
МАЗ-203.06* гарадскі
МАЗ-203.076 (Экспарт у Польшчу) гарадскі
МАЗ-203.088 гарадскі Mercedes-Benz OM936LA ZF 6AP1400B
МАЗ-203.115 прыгарадны Mercedes-Benz OM926LA ZF 6АP1400В
МАЗ-203.116 прыгарадны Mercedes-Benz OM926LA Allison T375w/Ret
МАЗ-203.125 прыгарадны ЯМЗ 53613-50 ZF 6AP1400B
МАЗ-203.145 прыгарадны Weichai WP7.300E51 FastGear FC6A140R
МАЗ-203.16* прыгарадны
МАЗ-203.17* прыгарадны
МАЗ-203.188 прыгарадны Mercedes-Benz OM936LA ZF 6AP1400B
МАЗ-203.945 2019—ц.ч. гарадскі Weichai WP7NG 280E51 Allison T310w/Ret
МАЗ-203.965 2014—ц.ч. гарадскі Mercedes-Benz M 906 LAG EEV/1-02 Allison T310w/Ret
МАЗ-203.966 гарадскі Mercedes-Benz M 906LAG ZF 6AP1200B
МАЗ-203.988 2015—ц.ч. гарадскі Mercedes-Benz M 936LAG ZF 6AP1200B
МАЗ-203C65 прыгарадны Mercedes-Benz M 906LAG Allison T310w/Ret
МАЗ-203C66 прыгарадны Mercedes-Benz M 906LAG ZF 6AP1200B
МАЗ-203L65 2015 гарадскі
МАЗ-203Т

На базе аўтобуса былі распрацаваныя тралейбусы МАЗ-203Т (МАЗ)[1] і АКСМ-203 (Белкамунмаш)[2].

Зноскі

  1. ↑ http://www.etonltd.ru/index.php?option=com_content&view=article&id=107&Itemid=732&lang=ru Архівавана 10 сакавіка 2016. МАЗ-ЭТОН Т203 // ТАА «ЭТОН» (руск.)
  2. ↑ http://bkm.by/?id_page=8&path=8_1&id_product=86 Троллейбус модели 203Т // БелКамунМаш (руск.)

Спасылкі[правіць | правіць зыходнік]

Узята з "https://be.wikipedia.org/w/index.php?title=МАЗ-203&oldid=4507196"