Медаль «За ўзяцце Берліна»

Медаль «За ўзяцце Берліна»
Краіна	СССР
Тып	медаль
Каму ўручаецца	ваеннаслужачым Савецкай Арміі, Ваенна-Марскога Флота і войскаў НКУС
Падставы ўзнагароджання	непасрэдным удзельнікам гераічнага штурму і ўзяцця Берліна, а таксама арганізатарам і кіраўнікам баявых аперацый пры ўзяцці гэтага горада
Дата заснавання	9 чэрвеня 1945
Статус	не ўручаецца
Статыстыка ўзнагароджанняў
Колькасць	1 100 000
Характарыстыкі
Матэрыял	Латунь
Памеры	дыяметр — 32 мм матэрыял — латунь
Чарговасць узнагарод
Старэйшая	Медаль «За ўзяцце Вены»
Малодшая	Медаль «За вызваленне Бялграда»
Медыяфайлы на Вікісховішчы

Медаль "За ўзяцце Берліна" — медаль, заснаваны Указам Прэзідыума ВС СССР ад 9 чэрвеня 1945 года ў гонар ўзяцця Берліна ў ходзе Вялікай Айчыннай вайны.

Згодна з Палажэннем аб медалі "За ўзяцце Берліна" ім узнагароджваліся «вайскоўцы Савецкай Арміі, Ваенна-Марскога Флота і войскаў НКУС - непасрэдныя ўдзельнікі гераічнага штурму і ўзяцця Берліна, а таксама арганізатары і кіраўнікі баявых аперацый пры ўзяцці гэтага горада».

Усяго медалём "За ўзяцце Берліна" ўзнагароджана больш за 1,1 мільёна чалавек.

Медаль "За ўзяцце Берліна" - круглы, дыяметрам 32 мм, з латуні. На вонкавым боку медаля ў цэнтры адчаканены надпіс "За ўзяцце Берліна". Па ніжнім краі медаля - выява дубовага паўвянка, перавітага ў сярэдняй частцы стужкай. Над надпісам - пяціканцовая зорка. Медаль па адным боку абрамлены борцікам. На адваротным боку медаля адчаканеная дата ўзяцця Берліна савецкімі войскамі: «2 мая 1945»; ніжэй - пяціканцовая зорка. Усе надпісы і малюнкі на адным і на адваротным боку медаля выпуклыя. У верхняй частцы медаля маецца вушка, якім медаль пры дапамозе кольца злучаны з металічнай пяцікутнай калодачкай, якая служыць для мацавання медаля да адзення. Калодачка абцягнута шаўковай муаравай стужкай чырвонага колеру шырынёй 24 мм. Пасярэдзіне стужкі праходзяць пяць долевых палосак - тры чорныя і дзве аранжавыя.

Гл. таксама

• Узнагароджаныя медалём «За ўзяцце Берліна»

• На Вікісховішчы ёсць медыяфайлы па тэме Медаль «За ўзяцце Берліна»