Многакарэннік звычайны

З Вікіпедыі, свабоднай энцыклапедыі
Многакарэннік звычайны
Навуковая класіфікацыя
Міжнародная навуковая назва

Spirodela polyrrhiza (L.) Schleid. (1839)


Сістэматыка
на Віківідах

Выявы
на Вікісховішчы
ITIS  42599
NCBI  29656
GRIN  t:11415
IPNI  526250-1
TPL  kew-194600

Многакарэннік звычайны[3] (Spirodela polyrhiza) — шматгадовая водная травяністая расліна роду Многакарэннік (Spirodela) падсямейства Раскавыя (Lemnoideae).

Батанічнае апісанне[правіць | правіць зыходнік]

Агульны выгляд расліны

Расліна нагадвае маленькі ліст, які плавае на паверхні вады. Трапляецца паасобку, групамі па 2—5 або спіральна закручанымі ланцужкамі з 8 раслінак. Лісцец (недаразвітае сцябло) накшталт пласцінкі даўжынёю 3—10 мм і шырынёю 1,2—8 мм, плоскі, тоўсты, шырокаяйцападобны або круглаваты, іншы раз ныркападобны, з абодвух бакоў з маленькімі лускавінкамі (недаразвітае лісце), знізу часта чырвоны ці чырванавата-фіялетавы. Каля асновы лісцеца — 2 вузкія шчылінападобныя кішэнькі (у іх закладваюцца вегетыўныя пупышкі, якія даюць пачатак даччыным раслінам; іншы раз у адной з кішенек развіваецца суквецце — 2 тычынкавыя і 1 песцікавая кветкі), а знізу ад яго адыходзяць пучкамі па 5—15 фіялетава-пурпуровыя ніткападобныя карэньчыкі (адсюль назва). Кветкі аднаполыя, без калякветніка, тычынкавыя — з 1 тычынкай, песцікавыя — э 1 песцікам.

Плод (калі ён утвараецца) 1—6-насенны, не раскрываецца.

Экалогія[правіць | правіць зыходнік]

Расце ў стаячай і павольнай вадзе азёр, сажалак, канаў. Цвіце рэдка, звычайна летам. Зімуе на дне вадаёмаў у выглядзе бура-чырвоных парасткаў, якія выпадаюць з кішэнькі; увесну з іх развіваюцца новыя расліны і ўсплываюць на паверхню вады.

Выкарыстанне[правіць | правіць зыходнік]

Расліна вырашчваецца ў акварыумах. Выкарыстоўваецца ў народнай медыцыне.

Зноскі

  1. Ужываецца таксама назва Пакрытанасенныя.
  2. Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
  3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 126. — 160 с. — 2 350 экз.

Літаратура[правіць | правіць зыходнік]

Спасылкі[правіць | правіць зыходнік]