Міхал Ян Зянковіч

Міхал Ян Зянковіч
Міхал Ян Зянковіч. Невядомы мастак, 1762.
Герб «Сястрэнец»
біскуп віленскі з 15 красавіка 1730
Дыяцэзія	Віленскае біскупства
Папярэднік	Караль Пётр Панцажынскі
Пераемнік	Ігнацы Якуб Масальскі
тытулярны біскуп з 27 чэрвеня 1718
Дыяцэзія	Juliopolis[d]
дапаможны біскуп з 27 чэрвеня 1718
Дыяцэзія	Жамойская дыяцэзія
пісар вялікі духоўны літоўскі 1724 — 1729
Папярэднік	Багуслаў Гасеўскі
Пераемнік	Антоній Юзаф Война
Нараджэнне	1670 Драгічын, Драгічынская зямля, Падляшскае ваяводства, Малапольская правінцыя, Карона Каралеўства Польскага, Рэч Паспалітая
Смерць	23 студзеня 1762(1762-01-23)
Род	Зянковічы[d]
Веравызнанне	Каталіцкая Царква
Дзейнасць	тытулярны біскуп, каталіцкі святар, каталіцкі біскуп
Узнагароды
Медыяфайлы на Вікісховішчы

Міхал Ян Зянковіч (1670, каля Дарагічына на Падляшшы — 23 студзеня 1762) — рэлігійны і дзяржаўны дзеяч Вялікага Княства Літоўскага. Біскуп-суфраган жамойцкі (ад 1718), пісар вялікі літоўскі (1724—1729), біскуп віленскі (ад 1730).

Біяграфія

Прадстаўнік шляхецкага роду Зянковічаў-Ператрускіх гербу «Сястрэнец».

Доўгі час быў пробашчам у Барысаве і Лідзе. Ад 1699 года канонік віленскі, архідыякан жамойцкі. З 27 красавіка 1718 года стаў біскупам-суфраганам жамойцкім, а з 1724 — пісарам вялікім літоўскім. З 2 кастрычніка 1730 -- біскуп віленскі.

Падтрымліваў караля і вялікага князя Станіслава Ляшчынскага. У сувязі з перамогай Аўгуста Моцнага быў вымушаны з’ехаць у Прусію (1734), адкуль вярнуўся ў 1736 годзе.

Аднавіў Віленскую кафедру, фундаваў у месце касцёл Св. Іосіфа і Нікадзіма, шпіталь Св. Лазара. Дзеля павышэння ўзроўню навучання ў Віленскай духоўнай семінарыі запрасіў для яе кіравання ксяндзоў-камуністаў.

Атрымаў вышэйшую ўзнагароду Рэчы Паспалітай Ордэн Белага Арла.

Уваходзіў у магнацкую палітычную групоўку «Фамiлiя».

8 верасня 1750 стаў каранатарам абраза Найсвяцейшай Дзевы Марыі ў бернардзінскім касцёле Св. Міхала (Вільня).

Літаратура

• Зянковіч Міхал Ян // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 235. — 696 с. — ISBN 978-985-11-0487-7 (т. 3), ISBN 985-11-0315-2.
• Wileński słownik biograficzny. — Bydgoszcz, 2002. ISBN 83-87865-28-1.