Нефелін

Нефелін
Формула	(Na,K)AlSiO4
Прымесь	Mg, Ca, H2O
Сінгонія	гексаганальная
Крышталічная рашотка	a = 10,01 c = 8,405 Z = 8
Крышталічная рашотка	a = 10,01 c = 8,405 Z = 8
Колер рысы	белы
Бляск	шкляны тлусты
Празрыстасць	паўпразрысты, непразрысты
Цвёрдасць	5,5—6
Спайнасць	недасканалая
Злом	ракавісты
Шчыльнасць	2,55—2,66 г/см³

Нефелі́н, элеаліт — пародаўтваральны мінерал з групы фельдшпатоідаў, класа каркасных сілікатаў, алюмасілікат натрыю і калію KNa₃(AlSiO₄)₄.

Хімічны склад: 13—16 % аксіду натрыю Na₂O, 32—33 % аксіду алюмінію Al₂O₃, 43,5—45 % аксіду крэмнію SiO₂, 5,5—6,5 % К₂O, 0,5—1,8 % аксіду кальцыю СаО.

Крышталізуецца ў гексаганальнай сінгоніі. Утварае буйныя зерні, блокі крышталёў, агрэгаты, зрэдку — гексаганальна-прызматычныя крышталі. Колер белы, шэры, брудна-зялёны, буры, жаўтаваты, зрэдку бясколерны. Бляск шкляны, тлусты. Цвёрдасць 5,5—6 па шкале Моаса. Шчыльнасць каля 2,6 г/см³. Крохкі. Раствараецца ў салянай кіслаце.

Выкарыстанне

Нефелін выкарыстоўваецца ў вытворчасці гліназёму адначасова з вытворчасцю соды, паташу, сілікагелю, ультрамарыну, угнаенняў і інш.

Радовішчы

Радовішчы нефеліну маюцца ў ЗША, Расіі, Германіі, Нарвегіі, Швецыі, Канадзе, Румыніі, Аўстраліі, Лівіі, Конга, Азербайджане, Афганістане, Арменіі, Індыі, Паўднёва-Афрыканскай Рэспубліцы і іншых краінах.

Літаратура

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 304. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• Нефелин // Каталог Минералов. RU (руск.)
• Нефелин // Кристаллов.net (руск.)
• Nepheline Mineral Data // Mineralogy Database (англ.)
• На Вікісховішчы ёсць медыяфайлы па тэме Нефелін