Ошава

Горад Ошава Oshawa Краіна Канада Правінцыя Антарыа Рэгіён Дарэм Каардынаты 43°54′ пн. ш. 78°51′ з. д. Заснаваны 1850 Плошча 145,68 км² Вышыня цэнтра 106 ± 1 м Водныя аб’екты Антарыа Насельніцтва 149 607 чалавек (2011) Часавы пояс UTC-5, летам UTC-4 Тэлефонны код 905, 289, 365 Паштовыя індэксы L1G, L1H, L1J, L1K і L1L Афіцыйны сайт oshawa.ca Ошава на карце Канады

Медыяфайлы на Вікісховішчы

Ошава (англ.: Oshawa) — горад у Канадзе, размешчаны ў правінцыі Антарыа на беразе возера Антарыа, прыкладна каля 60 км на ўсход ад Таронта.

Ошава ў 2011 годзе была прызнана «аўтамабільнай сталіцай Канады», раней падзяляючы гэты тытул з горадам Уінсар. Аўтамабільная прамысловасць, у прыватнасці, грунтуецца на канадскім падраздзяленні кампаніі General Motors, якое знаходзіцца ў авангардзе мясцовай эканомікі.

Гісторыя

Гісторыкі лічаць, што вобласць, якую на сёння займае Ошава, з’яўлялася перавалачным пунктам для гандлю мяхамі. Мяхі грузіліся на каноэ індзейцамі ў гавані Ошава і транспартаваліся ў розныя індзейскія гандлёвыя кропкі, размешчаныя на захадзе ў вусці ракі Крэдзіт-Рывер. Каля 1760 года французы пабудавалі гандлёвы пост недалёка ад гавані, які аднак пазней прыйшоў у заняпад, але яго руіны далі прытулак першым імігрантам з Еўропы.

У канцы XVIII стагоддзя мясцовы жыхар, Роджэр Конант, пачаў экспартаваць ласось у ЗША. Яго поспех у гэтай справе прыцягнуў далейшую міграцыю ў рэгіён. Вялікая колькасць імігрантаў былі лаялістамі Брытанскай імперыі, якія з’ехалі з незалежных ЗША, каб жыць пад брытанскім панаваннем. Пазней павялічылася ірландская і франка-канадская іміграцыя, пасля чаго пачаўся працэс індустрыялізацыі паселішча. Статус горада быў атрыманы ў 1857 годзе.

Эканоміка

Асноўнай галіной эканомікі Ошава заўсёды з’яўлялася аўтамабілебудаванне, у якім асаблівае месца займае канадскае падраздзяленне General Motors. З часу заснавання буйных зборачных заводаў кампаніяй McLaughlin Carriage Company у 1876 годзе, яны, таксама як і штаб-кватэра GMC, дагэтуль размяшчаюцца ў межах горада.

У Ошаве таксама было заснавана конегадоўчае прадпрыемства Windfields Farm, дзе нарадзіўся від вядомага канадскага рысаку Паўночны Танцор.

Вядомыя асобы

• Антон Маркевіч (1925—2009) — беларускі грамадскі дзеяч у Канадзе. У 1965 годзе дабіўся, каб бел-чырвона-белы сцяг уздымаўся штогод 25 сакавіка перад гарадской ратушай Ошавы побач з канадскім.

Спасылкі

• На Вікісховішчы ёсць медыяфайлы па тэме Ошава
• Афіцыйны сайт