Оўайн Гліндур

Оўайн Гліндур (па-валійску: Owain Glyndŵr) (каля 1359 – каля 1415) – апошні валіец, які насіў тытул прынца Уэльскага. Нашчадак уладароў каралеўства Поўіс, Гліндур падняў паўстанне супраць Англіі, аднак пасля доўгай барацьбы пацярпеў паразу. Пасля 1412 лёс Гліндура дакладна невядомы. Першапачаткова англійскі кароль прызначыў за галаву прынца ўзнагароду, аднак ніхто з паплечнікаў не выдаў яго. Пасля бунтаўніку двойчы абвяшчалася каралеўскае прабачэнне, аднак і яно было праігнараванае.