Пасол соймавы

Пасол соймавы — прадстаўнік шляхты ад павета на сойме Вялікага Княства Літоўскага, пазней Рэчы Паспалітай. Ад кожнага павета абіраліся два паслы, аднак не забаранялася і іншай шляхце ездзіць на сойм. Заканадаўча паслоў акрэслілі ў Другім Статуце Вялікага Княства Літоўскага (1566).

Пры ўтварэнні Рэчы Паспалітай паслы ўвайшлі ў ніжнюю палату сойма — Пасольскую Ізбу.

У 1690 г. заканадаўча аформілі, што кожны пасол на сойме, а на сойміках кожны шляхціч можа вольна абмяркоўваць любыя пытанні.

Літаратура

• Вяроўкін-Шэлюта У. Пасол соймавы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 404. — 792 с. — ISBN 985-11-0378-0 (т. 2), ISBN 985-11-0315-2.