Касакоўскія

Касакоўскія
Герб «Слепаўрон»
Краіна паходжання	Вялікае Княства Літоўскае
Тытул	графы
Прызнаныя ў	Вялікае Княства Літоўскае, Каралеўства Польскае, Расійская імперыя

Касакоўскія — шляхецкі род гербаў «Слепаўрон» і «Корвін».

Першыя прадстаўнікі згадваюцца ў XV ст. Прозвішча пайшло ад вёскі Касакі каля Цеханаўца на Падляшшы.

У XVI ст. утварылася шмат галін роду. Нікадзім Францішак Касакоўскі (каля 1556 — 1609) трымаў некаторыя староствы ў Вялікім Княстве Літоўскім і дзякуючы шлюбам з прадстаўніцамі літоўскіх магнацкіх родаў заклаў трывалы падмурак роду ў Вялікім Княстве.

Некаторыя прадстаўнікі роду ўжывалі графскі тытул, аднак афіцыйна атрымалі яго толькі ў 1781 годзе.

Найбольш вядомыя прадстаўнікі

• Ян Непамуцэн Касакоўскі (1755—1808) — біскуп віленскі
• Сімон Марцін Касакоўскі (1741—1794) — польны і апошні вялікі гетман літоўскі
• Юзаф Казімір Касакоўскі (1738—1794) — біскуп інфлянцкі

Галерэя

• Партрэты прадстаўнікоў роду Касакоўскіх
• 
  Юзаф Казімір Касакоўскі
• 
  Сімон Марцін Касакоўскі
• 
  Ян Непамук Касакоўскі
• 
  Людвіка Касакоўская (з Патоцкіх)

Літаратура

• Пазднякоў В. Касакоўскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 68—69. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

• На Вікісховішчы ёсць медыяфайлы па тэме Касакоўскія