Уладзімір Сямёнавіч Каліноўскі

Уладзімір Сямёнавіч Каліноўскі
Уладзімір Сямёнавіч Каліноўскі
Дата нараджэння	18 чэрвеня 1889
Месца нараджэння	Баранкі, Брэсцкі павет, Гродзенская губерня, Літоўскае генерал-губернатарства, Расійская імперыя;
Дата смерці	XX стагоддзе
Месца смерці	Старабельск, Украіна;
Грамадзянства	Расійская імперыя; Польская Рэспубліка; БССР;
Род дзейнасці	гісторык, палітык
Месца працы	Беларуская дзяржаўная сельскагаспадарчая акадэмія; БДУ;
Альма-матар	Гродзенская мужчынская гімназія[d] (1910); юрыдычны факультэт СПбДУ (1914);
Партыя	Блок нацыянальных меншасцяў;
	Творы ў Вікікрыніцах

Уладзімір Сямёнавіч Каліноўскі (18 чэрвеня 1889, Ваўкавыск — 1940^{[удакладніць]}, Старабельск^{[удакладніць]}, Варашылаўградская вобласць (цяпер Луганская вобласць, Украіна)) — беларускі грамадска-палітычны дзеяч, публіцыст, гісторык.

Біяграфія[правіць | правіць зыходнік]

Нарадзіўся 18 чэрвеня 1889 года ў Ваўкавыску. Скончыў у 1910 годзе Гродзенскую гімназію, у 1914 годзе — юрыдычны факультэт Пецярбургскага ўніверсітэта. Праслухаў поўны курс Археалагічнага інстытута і Усходняй акадэміі ў Петраградзе. Працаваў у Пецярбургскім судовым ведамстве. Пасля Кастрычніцкай рэвалюцыі ў Народным камісарыяце харчавання. У ліпені 1921 года як рэпатрыянт выехаў у Заходнюю Беларусь.

У лістападзе 1922 абраны ў польскі сейм, уваходзіў у Беларускі пасольскі клуб. У чэрвені 1923 года польскім судом пазбаўлены дэпутацкага мандата і польскага грамадзянства. Арыштаваны ў ліпені 1923, высланы з Польшчы.

Са снежня 1923 года ў Мінску. У лютым 1924 — ліпені 1925 кіраўнік справамі і юрысконсульт Беларускага сельскагаспадарчага інстытута. У 1925—1927 на розных пасадах у ЦВК БССР. З 1 кастрычніка 1927 года па 1 верасня 1929 года — дацэнт кафедры гісторыі польскай культуры педагагічнага факультэта БДУ. Супрацоўнічаў з часопісамі «Полымя», «Савецкае будаўніцтва», газетамі «Савецкая Беларусь», «Звязда». Далейшы лёс невядомы.

Творы[правіць | правіць зыходнік]

Зямельная палітыка ў Польшчы // Полымя. 1925, № 5;
Палітычныя партыі і аб’яднанні ў сучаснай Польшчы // Тамсама. 1926, № 2, 4—5;
Краткий обзор экономического и финансового положения Польши // Савецкае будаўніцтва. 1926, № 1;
Торговые договоры Польши // Тамсама. 1926, № 4.

Літаратура[правіць | правіць зыходнік]

ЭГБ, т. 4
Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.