Унутраная энергія

Уну́траная эне́ргія — энергія, якую мае цела ў стане з нулявой механічнай энергіяй.

Наяўнасць унутранай энергіі вынікае са здольнасці цела здзяйсняць работу, не змяняючы пры гэтым сваёй механічнай энергіі. Напрыклад, газ, расшыраючыся, выконвае работу

$A=\int dFdr=\int Pdsdr=\int PdV$

Гэтая работа можа прывесці да змянення (павелічэння) механічнай энергіі цела, на якое аказваецца ціск. Па закону захавання энергіі, энергія газу пры гэтым змяншаецца на такую ж велічыню. Але, паколькі механічны стан газу не змяніўся, то работа выконваецца за кошт унутранай энергіі газу:

$A=\Delta U$

У агульным выпадку, змяненне унутранай энергіі тэрмадынамічный сістэмы роўнае рабоце, якую выконвае сістэма, і цеплыні, якая перадаецца сістэма:

$\Delta U=A+Q$

У ізахорным працэсе (V = const)

$\Delta U=Q$

У адыябатным працэсе (Q = 0)

$\Delta U=A$

Такім чынам, унутраную энергію можна вызначцыь як функцыю стану тэрмадынамічнай сістэмы, якая колькасна роўная рабоце, якую трэба здзейсніць над сістэмай (у адыябатным працэсе), каб перавесці яе ў гэты стан са стану з нулявой унутранай энергіяй:

$U=\int \limits _{s_{0}}^{s}\delta A(Q=0)$

Складнікамі ўнутранай энергіі цела з'яўляюцца:

• кінетычная энергія цеплавога руху малекул цела
• патэнцыйная энергія ўзаемадзеяння між малекуламі
• унутраная энергія малекул.

Гл. таксама

• Цеплаперадача

Літаратура

• Унутраная энергія // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. С. 239.