ФК Сантус

Сантус
Поўная назва	Santos Futebol Clube
Заснаваны	1912
Горад	Сантус, Бразілія
Стадыён	Віла Белміру Умяшчальнасць: 16 068
Галоўны трэнер	Адаір Элман[d]
Чэмпіянат	Серыя A
2022	12 месца
Сайт	Афіцыйны сайт
Асноўная форма Гасцявая форма Рэзервовая форма

«Сантус» (парт.: Santos Futebol Clube) — бразільскі футбольны клуб з аднайменнага горада у штаце Сан-Паўлу. Клуб з’яўляецца адным з чатырох традыцыйных грандаў свайго штата разам з «Сан-Паўлу» (класіка Сан-Сан), «Карынтыянсам» (самае прынцыповае супрацьстаянне) і «Палмейрасам» і адным з традыцыйна наймацнейшых футбольных клубаў Бразіліі, адзін з заснавальнікаў Клуба трынаццаці, арганізацыі самых папулярных і тытулаваных клубаў Бразіліі. У 2000 годзе «Сантус» заняў 5 месца ў спісе найлепшых футбольных клубаў XX стагоддзя па версіі ФІФА.

«Сантус» — адзіны (з 12) бразільскі традыцыйны суперклуб, які базуецца не ў сталіцы свайго штата (горад Сантус з’яўляецца марскімі варотамі для Сан-Паўлу).

Згодна з рашэннем Бразільская канфедэрацыя футбола ад снежня 2010 года, перамогі ў старым Кубку Бразіліі (1959—1968) былі прыраўнаныя да тытула чэмпіёна Бразіліі. Такім чынам, «Сантус» з 8 тытуламі, 6 з якіх былі заваяваныя ў часы Пеле, стаў адным з самых тытулаваных клубаў — чэмпіёнаў Бразіліі (разам з «Палмейрасам», якому былі дададзены 4 тытулы).

Гісторыя

Эра Пеле

Пеле ў 1965 годзе.

Да сярэдзіны 1950-х гадоў «Сантус» толькі аднойчы, у 1935 годзе выйграў чэмпіянат штата. З’яўленне ў клубе ў 1955 годзе Пеле стала дадатковым стымулам для фарміравання адназначна наймацнейшай каманды свету пачатку 1960-х гадоў. У гэтую грандыёзную эпоху, калі Пеле згуляў за клуб 1116 матчаў і забіў 1091 гол, «Сантус» 5 раз запар выйграў Кубак Бразіліі (у адсутнасць чэмпіянату, Кубак краіны фактычна выконваў яго ролю), па два разы — Кубак Лібертадорэс і Міжкантынентальны кубак, 10 чэмпіянатаў штата, Суперкубак міжкантынентальных чэмпіёнаў. Велізарная колькасць ігракоў адначасова выступала і за зборную Бразіліі.