Хіетаніемі (могілкі)

Хіетаніемі
фін. Hietaniemen hautausmaa, шведск. Sandudds begravningsplats
60°10′10″ пн. ш. 24°55′04″ у. д.
Размяшчэнне
Краіна	Фінляндыя
Месцазнаходжанне	Хельсінкі
Гісторыя
Дата заснавання	1829
Медыяфайлы на Вікісховішчы

Хіетаніемі (фінск.: Hietaniemen hautausmaa; шведск.: Sandudds begravningsplats) — дзяржаўныя могілкі ў Хельсінкі, сталіцы Фінляндыі.

Уключаюць вялікія вайсковыя могілкі з секцыяй магіл салдатаў, што загінулі ў Зімовай вайне (1939—1940), Другой сусветнай вайне (1941—1944) і Лапландскай вайне (1944—1945). У цэнтры вайсковых могілак знаходзяцца магілы невядомага салдата і маршала Карла Манергейма.

У перакладзе з фінскай мовы Хіетаніемі азначае «пясчаная каса», такую назву могілкі атрымалі з прычыны таго, што яны знаходзяцца на мысе, размешчаным у цэнтральный частцы Хельсінкі.

Могілкі з’яўляюцца папулярным турыстычным месцам, асабліва сярод фінаў, якія наведваюць магілы сваякоў, што загінулі ў войнах, або магілы знакамітых фінаў, пахаваных тут.

Чатыры іншыя могілкі непасрэдна мяжуюць з Хіетаніемі, складаючы з імі адзіны комплекс: яўрэйскія могілкі, мусульманскія могілкі, «Вялікія» праваслаўныя могілкі і Мікольскія праваслаўныя могілкі.

Вядомыя пахаваныя

Прэзідэнты Фінляндыі

Магіла У. К. Кеканена

• Рыста Хейкі Руці
• Карл Густаў Эміль Манергейм
• Юха Паасіківі
• Урха Калева Кеканен
• Лаўры Крысціян Рэландэр
• Каарла Юха Стольберг

Іншыя

• Алвар Аалта, архітэктар і дызайнер
• Міка Валтары, пісьменнік
• Тапіа Віркала, дызайнер
• Акселі Гален-Калела, мастак
• Жорж Гадзінскі, кампазітар
• Ахці Кар’ялайнен, палітык, глава Банка Фінляндыі
• Хейкі Клемеці, кампазітар, хормайстар, родапачынальнік фінскай школы харальнай музыкі
• Эйна Лейна, паэт
• Вяйнё Лескінен (1917—1972), палітык, дыпламат
• Эркі Меларцін, кампазітар
• Юхан Сігфрыд Сірэн, архітэктар
• Артур Сірк (1900—1937), эстонскі ваенны і праварадыкальны палітык
• Калеві Сорса, палітык, прэм’ер-міністр
• Вяйнё Танер, палітык, прэм’ер-міністр
• Сакарыяс Топеліус (1818—1898) пісьменнік, паэт
• Альберт Эдэльфельт, мастак
• Карл Людвіг Энгель, архітэктар
• Тувэ Янсан (1914—2001), пісьменніца

Спасылкі

• На Вікісховішчы ёсць медыяфайлы па тэме Хіетаніемі (могілкі)
• Hietaniemi cemetery (фін.)
• Могілкі Хіетаніемі на Find a Grave