Цячэнне Ірмінгера

Плынь Ірмінгера на карце

Цячэнне Ірмінгера — цёплае паверхневае цячэнне ў паўночнай частцы Атлантычнага акіяна непадалёк ад Ісландыі. Заходняе адгалінаванне Паўночна-Атлантычнага цячэння. З'яўляецца кампанентам Паўночна-Атлантычнага субпалярнага кола і перамяшчае адносна цёплыя воды на поўнач, дзе яны перамешваюцца з водамі адносна халоднага Усходне-Грэнландскага цячэння.

Скорасць 0,2-0,5 км/гадз. Тэмпература вады каля 5 °С зімой, 10-12 °С летам. Салёнасць 34,8-35 %.

Названа прозвішчам дацкага мараплаўца Карла Людвіга Хрысціяна Ірмінгера (1802-1888), які абазначыў і апісаў яго ў 1853-1854 гадах.

Гл. таксама

• Мора Ірмінгера

Літаратура

• Беларуская энцыклапедыя: У 18 т. Т.7: Застаўка - Кантата/Рэдкал.: Г.П.Пашкоў і інш. - Мн.: БелЭн, 1998. - 608 с.: іл.