Яўген Сяргеевіч Кулік

Яўген Сяргеевіч Кулік
Яўген Сяргеевіч Кулік
	; Яўген Кулік. Аўтапартрэт. 1961
Дата нараджэння	31 кастрычніка 1937
Месца нараджэння	Менск, БССР, СССР;
Дата смерці	12 студзеня 2002 (64 гады)
Месца смерці	Мінск, Беларусь;
Месца пахавання	Кальварыйскія могілкі;
Грамадзянства	Беларусь; СССР;
Род дзейнасці	мастак, графічны дызайнер, экслібрысіст
Вучоба	Мінскі дзяржаўны мастацкі каледж імя А. К. Глебава; Беларуская дзяржаўная акадэмія мастацтваў;
Партыя	Партыя БНФ;

Яўген Сяргеевіч Кулік (31 кастрычніка 1937 — 12 студзеня 2002) — беларускі мастак пасляваеннага перыяда, аўтар эталона гербу «Пагоня» ў якасці дзяржаўнага герба Рэспублікі Беларусь у 1991—1995 гг.^[1]

Біяграфічныя звесткі[правіць | правіць зыходнік]

Нарадзіўся 31 кастрычніка 1937 года ў Менску. Скончыў Мінскае мастацкае вучылішча, а пасля — Беларускі тэатральна-мастацкі інстытут. З 1963 года браў удзел у мастацкіх выставах. Майстэрня Куліка, што знаходзілася ў Мінску насупраць будынка КДБ, стала ў 1960-ыя гады нацыянальным асяродкамі сталіцы і атрымала назву «На паддашку».

Памёр 12 студзеня 2002 года ў Мінску. Пахаваны ў Мінску на Кальварыйскіх могілках.

Творчасць[правіць | правіць зыходнік]

У станковых творах распрацоўвае тэмы гісторыі і культурнай спадчыны беларускага народа: серыі «Помнікі дойлідства Гродзеншчыны» (1974 г.), «Славутыя дзеячы гісторыі і культуры Беларусі» (з 1993 г.), малюнкаў рэканструкцый «Замкі Беларусі», лісты «Кірмаш на Беларусі ў XVIII ст.» (усе 1977 г.), «Хрыстос прызямліўся ў Гародні» паводле рамана У. Караткевіча (1978 г.), «На куццю» паводле паэмы Я.Купалы (1982 г.), «Памяці Алены Кіш» (1983 г.), «Паўстанне 1863 г. на Беларусі» (1988 г.), трыпціх «Усяслаў Чарадзей, Ефрасіння Полацкая, Лазар Богша» (1996 г.).

У 1970-1980-ыя гады займаўся кніжнай графікай, аформіў дзясяткі кніжак, і найлепшымі з іх былі: «Слова аб палку Ігаравым», «Ад гоману бароў» Александровіча, «Мушка-зелянушка і Камарык-насаты тварык» Багдановіча, «Сонечны клубочак» Зуёнка. Але сапраўдным шэдэўрам Яўгена Куліка стала кніга «Песня пра зубра» Міколы Гусоўскага. Завершанасцю кампазіцый, сінтэзам выяўленчых сродкаў вылучаюцца ілюстрацыі да кніг А. Вольскага і інш.

Вельмі вядомы яго графічныя серыі «Помнікі дойлідства Гродзеншчыны», «Замкі Беларусі», «Паўстанне 1863 г. у Беларусі».

У 1991 гадзе стаў адным з аўтараў мадэрнізаванага варыянту герба «Пагоня».

Ушанаванне памяці[правіць | правіць зыходнік]

У лістападзе 2005 года на Кальварыйскіх могілках быў адкрыты помнік Куліку.^[2]

Зноскі

↑ http://www.svaboda.org/content/article/24756568.html
↑ Альгерд Невяроўскі, На Кальварыйскіх могілках Мінску адкрыты помнік мастаку Яўгену Куліку // Радыё Свабода, 06 лістапада 2005 г.

Літаратура[правіць | правіць зыходнік]

Кулік Яўген Сяргеевіч // Беларуская энцыклапедыя: У 18 тамах / Беларуская энцыклапедыя; Рэдкалегія: Г. П. Пашкоў (галоўны рэдактар) [і інш.]. Том 9: Кулібін — малаіта. — Мн.: Беларуская энцыклапедыя, 1999. — С. 6.
Гаранская Т. Энцыклапедыст / Т. Гаранская // Род. слова. — 1997. — № 10. — с. 162.
Марачкін А. Яўген Кулік — творца і чалавек / А. Марачкін // Род. слова. — 1997. — № 10. — с. 155.

Спасылкі[правіць | правіць зыходнік]

Сяргей Харэўскі. Мастацтва таталітарызму. Архівавана 13 верасня 2008.
ПАЎСТАНЕЦ(недаступная спасылка)

[1] ttp://www.svaboda.org/content/article/24756568.html

[2] Альгерд Невяроўскі, На Кальварыйскіх могілках Мінску адкрыты помнік мастаку Яўгену Куліку // Радыё Свабода, 06 лістапада 2005 г.

[1]

[2]