Алена Пятроўна Шарыпа

З Вікіпедыі, свабоднай энцыклапедыі
Алена Шарыпа
Фатаграфія
Алена Пятроўна Шарыпа
Дата нараджэння 25 верасня 1973(1973-09-25) (50 гадоў)
Месца нараджэння
Грамадзянства Сцяг СССР СССРСцяг Беларусі Беларусь
Род дзейнасці мастачка
Жанр пейзаж, нацюрморт
Мастацкі кірунак рэалізм
Уплыў П. П. Шарыпа
Лагатып Вікісховішча Медыяфайлы на Вікісховішчы

Алена Пятроўна Шарыпа (25 верасня 1973, Мінск, БССР) — беларускі мастак.

Біяграфія[правіць | правіць зыходнік]

Нарадзілася ў сям’і мастака Пятра Пятровіча Шарыпы і настаўніцы матэматыкі, Лазарук Людмілы Анатольеўны, пляменніцы доктара філалагічных навук, прафесара Міхася Лазарука.

Першыя ўрокі жывапісу атрымала ад бацькі.

Паўтары гады наведвала Дзіцячую мастацкую школу № 1 імя В. К. Цвіркі. З 1987 па 1991 год вучылася ў Рэспубліканскай школе-інтэрнаце па музыцы і выяўленчаму мастацтву імя I. В. Ахрэмчыка (цяпер ДУА «Гімназія-каледж мастацтваў імя І. В. Ахрэмчыка»).

У 1991 годзе паступіла ў Беларускую дзяржаўную акадэмію мастацтваў на аддзяленне станковага жывапісу. Вучылася ў Міхаіла Меранкова, Уладзіміра Пасюкевіча, Аляксандра Казлоўскага, Барыса Аракчэева, Віктара Грамыкі. Дыпломнай працай кіраваў Аляксей Марачкін.

Скончыла акадэмію ў 1997 годзе. З 1998 па 2004 год выкладала ў Гімназіі-каледжы мастацтваў імя І. В. Ахрэмчыка.

У выставах удзельнічае з сярэдзіны 1990-х гадоў. У 1999 годзе стала сябрам Беларускага саюза мастакоў.

Працуе ў розных жанрах станковага жывапісу.