Арганізацыя дапамогі і аднаўлення Аб’яднаных Нацый

Арганізацыя дапамогі і аднаўлення Аб’яднаных Нацый
Краіна	Германія
Адміністрацыйны цэнтр	Вашынгтон
Тып арганізацыі	грамадская арганізацыя і aid agency[d]
Заснаванне
Дата заснавання	9 лістапада 1943
Ліквідацыя
Дата скасавання	30 чэрвеня 1947 і 1948
Медыяфайлы на Вікісховішчы

Арганізацыя дапамогі і аднаўлення Аб’яднаных Нацый, (UNRRA — англ.: United Nations Relief and Rehabilitation Administration) — міжнародная арганізацыя, створаная дзяржавамі антыгітлераўскай кааліцыі (44 дзяржавы) 9 лістапада 1943 года ў Вашынгтоне дзеля дапамогі краінам, пацярпелым ў вайне.

Арганізацыя займалася дапамогай краінам, што пацярпелі ў Другую сусветную вайну, у аднаўленні эканомікі. Атрымлівала яе дапамогу і насельніцтва Беларусі.

Спачатку ў UNRRA ўваходзіла 44 краіны: Аўстралійскі саюз, Бельгія, Балівія, Бразілія, Вялікабрытанія, Венесуэла, Гаіці, Гватэмала, Гандурас, Грэцыя, Дамініканская рэспубліка, Егіпет, Індыя, Іран, Ірак, Ісландыя, Канада, Кітай, Калумбія, Коста-Рыка, Куба, Ліберыя, Люксембург, Мексіка, Нідэрланды, Нікарагуа, Новая Зеландыя, Нарвегія, Панама, Парагвай, Паўднёва-Афрыканская рэспубліка, Перу, Польшча, Сальвадор, СССР, ЗША, Уругвай, Філіпіны, Францыя, Чэхаславакія, Чылі, Эквадор, Эфіопія, Югаславія.

У 1945 годзе да UNRRA прынялі БССР, УССР і Данію, а ў сакавіку 1946 і Турцыю.

UNRRA спыніла працу ў Еўропе 30 чэрвеня 1947 года. У Кітаі працавала да 31 сакавіка 1949 года, а яе функцыі па апецы над уцекачамі ўзяла Міжнародная Арганізацыя для ўцекачоў (англ.: International Refugee Organization).

Літаратура

• Снапкоўскі У. Аб пагадненні паміж урадам Беларускай ССР і ЮНРРА ад 18 снежня 1945 года // Беларуская думка № 12, 2018. — С. 68−76.
• Советская историческая энциклопедия. — Москва, 1961.