Беларускае культурнае згуртаванне

Беларускае культурнае згуртаванне — культурна-асветная арганізацыя, якая дзейнічала ў генеральнай акрузе «Беларусь».

Створана ў студзені 1944 ў Мінску кіраўніцтвам Беларускай цэнтральнай рады (БЦР) са згоды германскіх акупацыйных уладаў. Кіраўнік — А. Калубовіч. Мела 4 аддзелы: музыкі — узначальваў М. Шчаглоў (Куліковіч), прапаганды і беларускай культуры — У. Дудзіцкі (Гуцька), літаратуры — Н. Арсеннева, музеяў і краязнаўства — А. Шукелойць. Згуртаванне ставіла за мэту аб'яднаць усе існуючыя на той час на Беларусі культурна-асветныя ўстановы (тэатры, народныя дамы, бібліятэкі, музеі і інш.). Пры яго дапамозе кіраўніцтва БЦР спадзявалася ўздзейнічаць на беларускае насельніцтва з мэтай прапаганды нацысцкай ідэалогіі, барацьбы супраць камуністаў і інш.

Літаратура

• Літвін, А. М. Беларускае культурнае згуртаванне / А. М. Літвін // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 20 000 экз. — ISBN 5-85700-074-2. — С. 355.