Вертыкаль (ракета)
«Вертыкаль» (руск.: «Вертикаль») — серыя савецкіх аднаступенчатых геафізічных ракет на вадкім паліве, якія выкарыстоўваліся ў даследаваннях касмічнай прасторы па праграме «Інтэркосмас» з удзелам Балгарыі, Венгрыі, ГДР, Польшчы, Румыніі, Чэхаславакіі.
На ракетах знаходзіліся зонды з навуковай апаратурай, выконваючай атмасферныя і астрафізічныя даследаванні верхніх слаёў атмасферы і іанасферы Зямлі, ультрафіялетавага, рэнтгенаўскага выпраменьвання Сонца, метэарытных часціц і інш. Атмасферны зонд на Зямлю не вяртаўся. Ракеты запускаліся на вышыню 500 і 1500 км. У 1970—1983 гг. выканана 11 запускаў. Пры першых двух запусках выкарыстоўвалася ракета Р-5В, на наступных — больш магутная.
Літаратура
[правіць | правіць зыходнік]- Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш.. — Мн.: БелЭн, 1997. — Т. 4. — С. 107. — 480 с. — 10 000 экз. — ISBN 985-11-0090-0.
Спасылкі
[правіць | правіць зыходнік]