Гашэрбрум

Гашэрбрум
Масіў Гашэрбрум: Гашэрбрум IV, Гашэрбрум V і Гашэрбрум VI
Найвышэйшы пункт
Абсалютная вышыня	8 080 м
Размяшчэнне
35°43′00″ пн. ш. 76°42′00″ у. д.
Краіны	Пакістан Кітай
Рэгіёны	Кашмір, Тыбет
Горная сістэма	Каракарум
Хрыбет ці масіў	Балтара Музтаг
Гашэрбрум
Медыяфайлы на Вікісховішчы

Броўд-Пік, 12-я па вышыні вяршыня свету

Гашэрбрум II, 13-я па вышыні вяршыня свету

Гашэрбрум — шматвяршынны горны масіў хрыбта Балтара Музтаг у Каракаруме. Складаецца з 7 вяршыняў, галоўная з якіх вышынёй 8080 м над узроўнем мора — 11-ы па вышыні васьмітысячнік свету. Усяго ў склад масіва ўваходзяць 3 васьмітысячнікі.

Этымалогія

Назва «Гашэрбрум» у перакладзе з балці азначае «Прыгожая (rgasha) гара (brum)».

Геаграфія

Горны масіў Гашэрбрум знаходзіцца ў Кашміры, у кантралюемых Пакістанам Паўночных тэрыторыях на мяжы з Кітаем (Тыбецкі аўтаномны раён).

Шматвяршынны горны масіў Гашэрбрум размешчаны ў Каракаруме. Адносіцца да горнага хрыбта Балтара Музтаг. Складаецца з 7 вяршыняў, 3 з якіх перавышаюць 8 км:

Вяршыня	Вышыня (м)	Паўночная шырата	Усходняя даўгата	Адносная вышыня (м)
Гашэрбрум I	8080	35°43′27″	76°41′48″	2155
Броўд-Пік	8051	35°48′35″	76°34′06″	1701
Гашэрбрум II	8034	35°45′27″	76°39′15″	1523
Гашэрбрум III	7952	35°45′34″	76°38′31″	355
Гашэрбрум IV	7925	35°45′39″	76°37′00″	725
Гашэрбрум V	7147	35°43′45″	76°36′48″	654
Гашэрбрум VI	6979	35°42′30″	76°37′54″	520

У склад горнага масіва Гашэрбрум уваходзяць 3 васьмітысячнікі:

• Гашэрбрум I (Хідэн-пік) (8080 м) — найвышэйшая вяршыня масіва Гашэрбрум, другая па вышыні вяршыня Каракарума і 11-ы васьмітысячнік свету.
• Броўд-Пік (8051 м) — трэцяя па вышыні вяршыня Каракарума і 12-ы васьмітысячнік свету.
• Гашэрбрум II (8034 м) — чацвёртая па вышыні вяршыня Каракарума і 13-ы васьмітысячнік свету.

Гісторыя

У 1856 годзе Томас Джордж Мантгомеры ўбачыў групу горных пікаў Каракарума, знаходзячыся ад іх за 200 км. Ён назваў іх K1, K2, K3, K4 і K5, дзе «K» азначае Каракарум. Цяпер K1 вядомы як Машэрбрум, K3 — Броўд-Пік, K4 — Гашэрбрум II і K5 — Гашэрбрум I. Цяпер толькі гара Чагары, другая вяршыня ў свеце, носіць імя, гэта Мантгомеры — K2.

Гл. таксама

• Спіс найвышэйшых вяршыняў свету

Літаратура

• H. Adams Carter, «Balti Place Names in the Karakoram», American Alpine Journal 49 (1975), p. 53.
• Mount Qogori (K2) {scale 1:100,000}; edited and mapped by Mi Desheng (Lanzhou Institute of Glaciology and Geocryology), the Xi´an Cartographic Publishing House.

Спасылкі

• Dreams of Tibet: the pundits
• Фільм Cold пра ўзыходжанне на Гашэрбрум II-2011