Копцкая Праваслаўная Царква

З Вікіпедыі, свабоднай энцыклапедыі
(Пасля перасылкі з Копцкая праваслаўная царква)
Копцкі крыж
Копцкі праваслаўны храм св. Марка ў Александрыі

Копцкая Праваслаўная Царква Александрыі — афіцыйная назва хрысціянскай царквы ў Егіпце, адна з старажытнаўсходніх (дахалкідонскіх) цэркваў. Заснавана, паводле падання, Св. Евангелістам Маркам († 63 Р. Х.) у Александрыі, да біскупскай кафедры якой узводзіць сваю пераемнасць копцкі патрыярх. Уласна копцкай адзіная царква Егіпта становіцца пасля падзелу (у перыяд з 536 па 580 год) Александрыйскага патрыярхата на дзве кафедры - грэчаскай халкідонісцкай і копцкай антыхалкіданіцкай. У набажэнстве выкарыстоўваецца копцкі абрад.

Пры саманазве «Праваслаўная», копцкая царква (як і ўсе іншыя старажытнаўсходнія цэрквы), прызнаючы рашэнні толькі першых трох Сусветных сабораў, не ўваходзіць у сям'ю памесных праваслаўных цэркваў (візантыйскай традыцыі); роўным чынам яна не трымаецца ў цэлебрацыі зносінаў з каталіцкай царквой. Мае эўхарыстычнай зносіны з Армянскай Апостальскай Царквой, Сірыйскай Праваслаўнай Царквой і іншымі арыентальнымі цэрквамі.

У цяперашні час складаецца з 400 суполак, большасць з іх знаходзіцца ў Егіпце, астатнія — ў егіпецкай дыяспары.

Набажэнства[правіць | правіць зыходнік]

Набажэнства на арабскай і копцкай мовах. Асмагалоссе. Літургіі Васіля Вялікага, Рыгора Багаслова і Кірылы Александрыйскага. Захавала некаторыя іудзейскія (раннехрысціянскія) абрады, такія як абразанне. Узначальвае яе Александрыйскі Папа і Патрыярх Свяцейшы Шэнуда III.

Яшчэ адна характэрная рыса коптаў — пры хрышчэнні пасля абраду робяць татуіроўку ў выглядзе крыжа на запясце правай рукі, якая сімвалізуе гатоўнасць прыняць пакутніцтва за веру.

Царкве належыць самы стары манастыр ў Егіпце — Манастыр Святога Антонія.

Гл. таксама[правіць | правіць зыходнік]

Спасылкі[правіць | правіць зыходнік]