Лідзія Іванаўна Мацкевіч

Лідзія Іванаўна Мацкевіч
Дата нараджэння	1 мая 1950
Месца нараджэння	Вількішкес, Бяздоніская сянюнія[d], Вільнюскі раён, Літва
Грамадзянства	Беларусь
Род дзейнасці	выкладчыца ўніверсітэта, вучоная
Навуковая сфера	эканоміка, менеджмент
Месца працы	Інстытут прадпрымальніцкай дзейнасці Інстытут сістэмных даследаванняў у АПК НАН Беларусі БДАТУ Міністэрства сельскай гаспадаркі і харчавання Рэспублікі Беларусь Белдзяржхарчпрам Міжнародны інстытут кіравання і прадпрымальніцтва Інстытут ільну НАН Беларусі
Навуковая ступень	кандыдат эканамічных навук
Навуковае званне	дацэнт, старшы навуковы супрацоўнік
Альма-матар	Беларускі дзяржаўны інстытут народнай гаспадаркі імя В. У. Куйбышава (1971)

Лідзія Іванаўна Мацкевіч (нар. 1 мая 1950 года ў в. Вількішкі Вільнюскага р-на Літвы) — беларускі навуковец, педагог, кандыдат эканамічных навук, дацэнт.

Біяграфічныя звесткі

Скончыла Беларускі дзяржаўны інстытут народнай гаспадаркі ў 1971 годзе. У 1977 годзе таксама скончыла аспірантуру Беларускага навукова-даследчага інстытуту эканомікі і арганізацыі сельскай гаспадаркі ў Мінску.

Дысертацыю на саісканне навуковай ступені кандыдата эканамічных навук па спецыяльнасці «Эканоміка, арганізацыя кіравання і планавання народнай гаспадаркі (сельская гаспадарка)» абараніла ў 1982 годзе ў Навукова-даследчым інстытуце эканомікі, працы і кіравання ў сельскай гаспадарцы ў Маскве. Тэма дысертацыі: «Рацыянальная арганізацыя вытворчасці свініны на прамысловай аснове ў Беларускай ССР».

У 1988 годзе Вышэйшая атэстацыйная камісія пры Савеце Міністраў СССР прысвоіла ёй навуковае званне старшага навуковага супрацоўніка па спецыяльнасці «Эканоміка, арганізацыя кіравання і планавання народнай гаспадаркі (сельская гаспадарка)». У 2010 годзе Прэзідыум Вышэйшай атэстацыйнай камісіі Рэспублікі Беларусь прысвоіў ёй навуковае званне дацэнта па спецыяльнасці «Эканоміка».

У 1977 годзе пачала працаваць у Беларускім навукова-даследчым інстытуце эканомікі і арганізацыі сельскай гаспадаркі ў Мінску — спачатку на пасадзе малодшага навуковага супрацоўніка, затым — старшага навуковага супрацоўніка. У 1989 годзе была прызначана на пасаду загадчыка аддзела эканомікі, арганізацыі і кіравання Беларускага навукова-даследчага інстытуту ільна. З 1991 года пачала працаваць у Беларускім дзяржаўным аграрным тэхнічным універсітэце: спачатку дацэнтам кафедры эканомікі і арганізацыі прадпрыемстваў АПК, затым — загадчыкам гэтай кафедры, пасля — прарэктарам па эканамічнай рабоце. У 1998 годзе была прызначана на пасаду начальніка аддзела аналіза, прагноза, удасканалення механізму гаспадарання Міністэрства сельскай гаспадаркі і харчавання Рэспублікі Беларусь. У 2001 годзе пачала працаваць намеснікам начальніка — начальнікам аддзела фінансаў, цэнавога рэгулявання і інвестыцый Галоўнага ўпраўлення эканомікі канцэрна «Белдзяржхарчпрам». У 2003 годзе пачала працаваць на пасадзе дацэнта ў Прыватным інстытуце кіравання і прадпрымальніцтва ў Мінску. З 2006 года працуе ў Інстытуце прадпрымальніцкай дзейнасці на пасадах дацэнта кафедры маркетынга і менеджмента, кафедры эканомікі і кіравання.

Навуковая дзейнасць

Даследуе пытанні інавацыйнай дзейнасці як ключавога фактару эканамічнага развіцця краіны, пытанні эфектыўнасці знешнеэканамічнай дзейнасці, ацэнкі эканамічнага эфекту і тэндэнцый у змяненні паказчыкаў, якія характарызуюць эканамічнае развіццё малога і сярэдняга бізнесу, асаблівасці інавацыйнай дзейнасці прадпрыемстваў, сістэму ацэнкі выніковасці і дэтэрмінанты аптымізацыі кантрольна-нагляднай дзейнасці і інш.

Спасылкі

• Электронны каталог РНТБ Архівавана 8 верасня 2021.
• Біяграфія на сайце ІПД
• Google Scholar