Малькальм III

З Вікіпедыі, свабоднай энцыклапедыі
Малькальм III
шатл. гэл.: Máel Coluim mac Donnchada,
англ.: Malcolm III
Малькальм III, кароль Шатландыі
Малькальм III, кароль Шатландыі
кароль Альбы (Шатландыі)
17 сакавіка 1058 — 13 лістапада 1093
Каранацыя 25 сакавіка 1058, Скун
Папярэднік Лулах
Пераемнік Дональд III

Нараджэнне 26 сакавіка 1031
Смерць 13 лістапада 1093[1] (62 гады)
Месца пахавання
Род Данкельдская дынастыя
Бацька Дункан I[d][2]
Маці Сібіла Нартумбрыйская
Жонка Інгеборга Фінсдоцір[d][2][3] і Маргарыта Шатландская[2][3]
Дзеці Мэры Шатландская[d][2], Эдмунд[4][2], Ethelred of Scotland[d][4], Эдгар[4][2], Аляксандр I Шатландскі[4][2], Мацільда Шатландская[2], Давід I[2], Дункан II[4][2], Malcolm of Scotland[d][4], Donald of Scotland[d][4] і Edward of Scotland[d][4]
Дзейнасць палітык
Лагатып Вікісховішча Медыяфайлы на Вікісховішчы

Малькальм III Вялікі Правадыр (шатл. гэл.: Máel Coluim mac Donnchada, англ.: Malcolm III Canmore, 26 сакавіка 1031 — 13 лістапада 1093) — кароль Альбы (Шатландыі) (10581093), сын караля Дункана I.

Біяграфія[правіць | правіць зыходнік]

Малькальм III стаў каралём Шатландыі пасля забойства Лулаха.

Жонка караля Маргарыта паспрабавала рэфармаваць шатландскую царкву ў французскім духу, хоць з павагай адносілася да традыцый пустэльніцтва, закладзеных святым Калумбам. Яна ўгаварыла мужа склікаць сабор вышэйшага духавенства краіны, на якім сама старшынствавала, у той час як кароль выконваў ролю перакладчыка. Маргарыце ўдалося ліквідаваць шэраг парушэнняў, якія прысутнічалі ў шатландскай царкве.

У 1077 годзе ў Шатландыі пачаліся ўнутраныя міжусобіцы. Кіраўнік Марэя Маэлснехтайн  (англ.), сын Лулаха, заявіў пра свае правы на шатландскі прастол і падняў мяцеж. Малькальм атрымаў над ім перамогу, але захаваў яму жыццё, і Маэлснехтайн дажыў да 1085 года. Пачынаючы з гэтага часу і да 1091 года Шатландыя жыла ў міры.

У 1091 годзе Малькальм, незадаволены кіраваннем Вільгельма II Рудага, сабраў армію і напаў на Англію, але затым абодва караля аднавілі мірны дагавор у Абернеці. Аднак Вільгельм не вельмі хацеў выконваць умовы дагавора, і напружанасць паміж Англіяй і Шатландыяй захоўвалася. У 1093 годзе Вільгельм цяжка захварэў. Спужаўшыся пякельных пакут за парушэнне дагавора, ён запрасіў Малькальма ў Глостэр для новых перамоў. Але пакуль Малькальм дабраўся да месца іх правядзення, Вільгельм акрыяў. Ён сустрэў Малькальма груба і запатрабаваў ад яго з'явіцца ў Лондан на суд баронаў для рашэння спрэчных пытанняў. Малькальм заявіў, што не лічыць сябе васалам англійскага караля, і вярнуўся дамоў. Разумеючы, што ў такой сітуацыі вайна непазбежная, ён вырашыў нанесці ўдар першым. Сабраўшы армію, у лістападзе 1093 года Малькальм перайшоў мяжу з намерам аблажыць крэпасць Алнвік. Але там ён патрапіў у засаду і загінуў ад рукі свайго сваяка Аркіла Марэла, сцюарда  (англ.) Бамбара. У тым жа бітве быў смяротна паранены і яго старэйшы сын Эдуард.

Зноскі

  1. Deutsche Nationalbibliothek Агульны нарматыўны кантроль — 2012—2016. Праверана 14 жніўня 2015.
  2. а б в г д е ё ж з і Kindred Britain
  3. а б (unspecified title) Праверана 7 жніўня 2020.
  4. а б в г д е ё ж Lundy D. R. The Peerage

Літаратура[правіць | правіць зыходнік]

  • Мак-Кензи Агнес. Рождение Шотландии / Перевод, научная ред., вступит. статья С. В. Иванова. — СПб.: Евразия, 2003. — 336 с. — (Clio fundationis). — 1 500 экз. — ISBN 5-8071-0120-0

Спасылкі[правіць | правіць зыходнік]

  • SCOTLAND, KINGS (англ.). Foundation for Medieval Genealogy. Архівавана з першакрыніцы 11 лютага 2012. Праверана 20 кастрычніка 2011.