Манета (Мінск)

Гарадская скульптура
Манета
53°54′51″ пн. ш. 27°33′10″ у. д.
Краіна	Беларусь
Горад	Мінск
Скульптар	Канстанцін Аляксандравіч Касцючэнка
Архітэктар	А. С. Кобрусеў[d] і Уладзімір Ігаравіч Архангельскі
Дата пабудовы	2020 год

Манета — скульптурная кампазіцыя ў Мінску, на Камуністычнай вуліцы, 49 каля будынка галоўнага офісу Банка Дабрабыт. Аўтар — скульптар Канстанцін Аляксандравіч Касцючэнка, архітэктары А. С. Кобрусеў і У. І. Архангельскі.

Гісторыя

Скульптура была падаравана гораду банкам у гонар свайго дваццацігоддзя. На адкрыцці помніка 23 верасня 2020 года прысутнічалі між іншых глава Нацбанка Беларусі Павел Калаур, намеснік старшыні праўлення Нацбанка Дзмітрый Лапко і кіраўнік Банка Дабрабыт Ігар Ліхагруд.

Апісанне

Скульптура змяшчае фрагменты грашовых знакаў, якія былі ў звароце на тэрыторыі Беларусі са старажытных часоў да цяперашняга часу — агулам 10 манет. Гэта арабскі дырхем IX стагоддзя, сярэбраны пенязь Вітаўта пачатку XV стагоддзя, манеты канца XIV стагоддзя, дукаты XVI і XIX стагоддзяў, талеры XVII і XVIII стагоддзяў. Ёсць таксама савецкія 10 капеек і сучасныя 2 рублі. Творчай ідэяй скульптара Канстанціна Касцючэнкі было аб’яднане гісторыі і сучаснасці фінансавай сістэмы Беларусі, а таксама розныя этапы яе развіцця.

Скульптура выраблена з бронзы, вышыня — 3 метры, вага каля 2 тон.

• 
• 

Гл. таксама

• Спіс помнікаў Мінска

Літаратура

• Манета манет // Наша гісторыя. № 12(29) — 2020.

Спасылкі

• УНИКАЛЬНАЯ СКУЛЬПТУРА «МОНЕТА» ПОЯВИЛАСЬ ВОЗЛЕ ОФИСА БАНКА ДАБРАБЫТ Архівавана 21 кастрычніка 2020. (руск.)
• На минской улице установили монету весом в 2 тонны (руск.)