Салікамск

Горад Салікамск руск.: Соликамск Герб Сцяг Краіна Расія Рэгіён Пермскі край Каардынаты 59°38′00″ пн. ш. 56°46′00″ у. д. Заснаваны 1430 Горад з 1573 Плошча 160,0 км² Вышыня цэнтра 150 м Водныя аб’екты Кама Насельніцтва ▼92 602 чал. (2020) Часавы пояс UTC+5 Тэлефонны код 34253 Паштовы індэкс 618540—556 Аўтамабільны код 59, 81, 159 Афіцыйны сайт adm.solkam.ru Салікамск на карце Расіі ±

Медыяфайлы на Вікісховішчы

Саліка́мск (руск.: Соликамск) — горад (з 1573 года) у Расіі, у складзе Салікамскага раёна Пермскага края. Насельніцтва 97,3 тыс. чалавек (2008). Заснаваны ў 1430 годзе.

Горад размешчаны ў краявой зоне Усходне-Еўрапейскай раўніны на тэрыторыі Перадуральскага краявога прагіну ля левых прытокаў Камы — рэк Усолка і Баравая. Канцавая чыгуначная станцыя Салікамск па лініі Чусавая — Салікамск, адлегласць да краявога цэнтра — 200 км, порт Камскага вадасховішча — 322 км да горада Перм.

Гаспадарчы профіль горада вызначае горнахімічная прамысловасць (здабыча калійнай солі і вытворчасць мінеральных угнаенняў) — ААТ «Сільвініт», прадпрыемствы лесагаспадарчага комплексу — ААТ «Соликамскбумпром», лесанарыхтоўчы камбінат, а таксама металургічная прамысловасць — вытворчасць магнію, заснаваная на перапрацоўцы калійна-магніевых соляў (ААТ «Салікамскі магніевы завод»). У горадзе таксама ёсць прадпрыемствы машынабудавання (рамонтна-механічны завод), будаўнічыя арганізацыі, прадпрыемствы харчовай прамысловасці (мясакамбінат, малкамбінат і інш.), абаронны завод «Урал» — самы буйны ваенна-прамысловы завод ва Усходняй Еўропе.

Найбольш магутная прамысловая галіна горада — калійная прамысловасць. Праектная магутнасць 3 калійных рудаўпраўленняў, якія ўваходзяць у ААТ «Сільвініт», складае 3203,2 тыс. т калійных угнаенняў у год.

Літаратура

• Салікамск // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 110. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• На Вікісховішчы ёсць медыяфайлы па тэме Салікамск