Царква ў гонар Раства Хрыстова (Барысаў)

Праваслаўны храм
Царква ў гонар Раства Хрыстова
54°12′39″ пн. ш. 28°30′39″ у. д.
Краіна	Беларусь
Горад	Барысаў
Канфесія	Праваслаўе
Епархія	Барысаўская епархія
Благачынне	1-е Барысаўскае благачынне
Будаўніцтва	1996—2000 гады
Сайт	blagobor.by

Царква ў гонар Раства Хрыстова — мураваны праваслаўны храм у г. Барысаве Мінскай вобласці. Знаходзіцца на вул. Заслонава ў Нова-Барысаве.

Гісторыя

Ніжні храм быў асвячоны ў 1996 годзе. У 2000 годзе быў асвячоны верхні храм.

Архітэктура

Вырашана 4-часткавай аб’ёмна-прасторавай кампазіцыяй, якую фарміруюць размешчаныя па падоўжнай планіровачнай восі 2-ярусная 4-гранная шатровая званіца з макаўкай, крыжовая ў плане малітоўная зала, паўкруглая апсіда. Сяродкрыжжа вальмавых дахаў завершана цыбулепадобным купалам на 8- гранным светлавым барабане. Фасады расчлянёны арачнымі аконнымі праёмамі ў руставаных ліштвах. Уваходная паперць накрыта ўвагнута-пукатым казырком. Будынак апярэзаны гарадковым фрызам.

Літаратура

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.

Спасылкі

• Царква ў гонар Раства Хрыстова (Барысаў) на сайце Глобус Беларусі (руск.)