Аргазм

З пляцоўкі Вікіпедыя
«Шал уздыму» (1894), Уладзіслаў Падкавінскі

Арга́зм — раптоўная разрадка назапашанага сексуальнага ўзбуджэння ў час цыклу сексуальных рэакцый, што прыводзіць да рытмічных, міжвольных цягліцавых скарачэнняў у вобласці таза, якія характарызуюцца сексуальным задавальненнем[1][2]. Аргазмы, якія адчуваюць мужчыны і жанчыны, кантралююцца аўтаномнай нервовай сістэмай. Звычайна яны звязаны з міжвольнымі дзеяннямі, якія ўключаюць цягліцавыя спазмы ў розных частках цела, агульнае адчуванне эйфарыі і, часта, рухі цела і вакалізацыі[2]. Перыяд пасля аргазму (вядомы як няўзрушны, або рэфрактэрны перыяд) звычайна ёсць расслабляльным вопытам, які тлумачыцца выкідам нейрагармонаў аксітацыну і пралактыну, а таксама эндарфінаў (або «эндагеннага марфіну»)[3].

Аргазм у чалавека звычайна ўзнікае ў выніку фізічнай сексуальнай стымуляцыі пеніса ў мужчын (звычайна суправаджаецца эякуляцыяй) і клітара ў жанчын[2][4][5]. Сексуальная стымуляцыя можа ажыццяўляцца самастойна (мастурбацыя) або з сексуальным партнёрам (пранікальны секс, секс без пранікнення або іншая сексуальная актыўнасць).

Уплыў аргазму на здароўе разнастайны. Падчас сексуальнай актыўнасці існуе мноства фізіялагічных рэакцый, у тым ліку расслаблены стан, які ствараецца пралактынам, а таксама змены ў цэнтральнай нервовай сістэме, такія як часовае зніжэнне метабалічнай актыўнасці вялікіх частак кары галаўнога мозгу, у той час як у лімбічных (г. зн. «памежных») частках галаўнога мозгу няма змен або метабалічная актыўнасць павялічваецца[6]. Існуе шырокі спектр сексуальных дысфункцый, такіх як анаргазмія.

Зноскі

  1. Winn, Philip (2003) (in en). Dictionary of Biological Psychology. Routledge. p. 1189. ISBN 9781134778157. https://books.google.com/books?id=OEMSWCeeSPYC&pg=PA1189. 
  2. а б в See 133–135 Архівавана 2 красавіка 2016 года. for orgasm information, and page 76 for G-spot and vaginal nerve ending information. Rosenthal, Martha (2012). Human Sexuality: From Cells to Society. Cengage Learning. ISBN 978-0618755714. https://archive.org/details/humansexualityfr0000rose. 
  3. "Coitus-induced orgasm stimulates prolactin secretion in healthy subjects". Psychoneuroendocrinology 26 (3): 287–94. April 2001. doi:10.1016/S0306-4530(00)00053-6. PMID 11166491. https://archive.org/details/sim_psychoneuroendocrinology_2001-04_26_3/page/287. 
  4. Wayne Weiten; Dana S. Dunn; Elizabeth Yost Hammer (2011). Psychology Applied to Modern Life: Adjustment in the 21st Century. Cengage Learning. p. 386. ISBN 978-1-111-18663-0. https://books.google.com/books?id=CGu96TeAZo0C&pg=PT423. Retrieved on 5 January 2012. 
  5. "Anatomy of the clitoris". The Journal of Urology 174 (4 Pt 1): 1189–95. October 2005. doi:10.1097/01.ju.0000173639.38898.cd. PMID 16145367. 
  6. "Men versus women on sexual brain function: prominent differences during tactile genital stimulation, but not during orgasm". Human Brain Mapping 30 (10): 3089–101. October 2009. doi:10.1002/hbm.20733. PMID 19219848. 

Спасылкі[правіць | правіць зыходнік]