Эгіда

З Вікіпедыі, свабоднай энцыклапедыі
Эгіда з галавой Медузы на статуі «Афіна Лемнія»

Эгі́да, або эгі́д (стар.-грэч.: αἰγίς, «бура, віхар») — шчыт Зеўса, паводле некаторых паданняў, зроблены Гефестам са шкуры міфічнай казы Амалфеі; лічылася, што гэтым шчытом Зеўс уздымае грозныя буры. У цэнтры шчыта была прымацавана адсечаная галава гаргоны Медузы. Эгіях (стар.-грэч.: αἰγίοχος, літар. «які носіць эгіду») — Шчытатрымальнік, адзін з эпітэтаў Зеўса.

Часам эгіда надавалася ў якасці атрыбуту таксама Апалону і Афіне.

Выраз «пад эгідай» азначае знаходзіцца пад заступніцтвам, абаронай якога-небудзь асобы або дзейнічаць у рамках якой-небудзь установы, арганізацыі ці прадпрыемства. Напрыклад, футбольныя клубныя турніры праводзяцца пад эгідай УЕФА, ЮНІСЕФ дзейнічае пад эгідай ААН і да т.п.

Эгіда Афіны[правіць | правіць зыходнік]

Галава Медузы замацавана на эгідзе на плячы. Амфара Андакіда.

У апісаннях статуй Афіны слова «эгіда» з замацаванай галавой Медузы, як правіла, адносіцца не да круглага шчыта, а да даспеха-аплечча, якое надзяваецца на цела і сапраўды часам выглядае зробленым з казінай шкуры. Гэта дазваляе зрабіць здагадку, што насамрэч гэта слова першапачаткова не з'яўлялася назвай шчыта.

Літаратура[правіць | правіць зыходнік]

Спасылкі[правіць | правіць зыходнік]