Бляхар

З Вікіпедыі, свабоднай энцыклапедыі
Бляхар

Бляха́р — майстар, які вырабляе розныя бляшаныя вырабы. Традыцыйна бляхары выраблялі садовы інвентар і хатнія інструменты. Бляхары таксама працавалі з бляхай і займаліся пакрыццём дахаў.

У цяперашні час бляхары займаюцца апрацоўкай тэхнічных аб’ектаў, рамонтам і вырабам вузлоў з ліставога металу. У сваёй працы бляхар выконвае шматлікія складаныя аперацыі: раскройвае і вальцуе метал, ажыццяўляе пайку, кропкавую зварку, свідраванне і выбіванне адтулін, вырабляе вузлы розных механізмаў. Бляхары таксама займаюцца выпраўленнем увагнутасцяў, наладкай прэсаў і іншага абсталявання.