Мануэль Франсіска Антоніа Хуліян Монт Торэс (ісп.: Manuel Francisco Antonio Julián Montt Torres, 4 верасня1809, Петорка -21 верасня1880Сант’яга, Чылі) — палітычны дзеяч Чылі, прэзідэнт Чылі з 1851 да 1861 года.
Выхадзец з сям’і імігрантаў з Каталоніі, вывучаў права, займаўся адвакацкай практыкай. Пачынаючы з 1840 года займаў некалькі міністэрскіх пасад ва ўрадзе Мануэля Бульнеса. Быў абраны прэзідэнтам Чылі ў 1851 годзе, і пераабраны ў 1856 годзе. У 1861 годзе быў абраны старшынёй Вярхоўнага суда і заставаўся на пасадзе да сваёй смерці. Яго імя прысвоена гораду Пуэрта-Монт.