Сяргей Міхайлавіч Клішэвіч

Сяргей Міхайлавіч Клішэвіч
Сяргей Міхайлавіч Клішэвіч
Нараджэнне	23 верасня 1990 (33 гады); Мінск, БССР, СССР;
Партыя	Камуністычная партыя Беларусі;
Член у	БРСМ;
Адукацыя	Акадэмія кіравання пры Прэзідэнце Рэспублікі Беларусь; гістарычны факультэт БДУ;
Узнагароды

Сяргей Міхайлавіч Клішэвіч (нар. 23 верасня 1990, Мінск) — работнік БРСМ.

Біяграфія[правіць | правіць зыходнік]

Нарадзіўся 23 верасня 1990 года ў горадзе Мінску^[1].

Скончыў гістарычны факультэт Беларускага дзяржаўнага ўніверсітэта па спецыяльнасці «Гісторыя (паліталогія)», выкладчык гісторыі і сацыяльна-гуманітарных дысцыплін; магістратуру гістарычнага факультэта БДУ па спецыяльнасці «Кіраванне дакументамі і архіўная справа»; аспірантуру гістарычнага факультэта БДУ па спецыяльнасці «Айчынная гісторыя»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і права»^[1].

У 2011 годзе абраны лідарам БРСМ БДУ. У 2013 годзе пераведзены на пасаду галоўнага спецыяліста аддзела па справах моладзі галоўнага ўпраўлення ідэалагічнай работы, культуры і па справах моладзі Мінскага гарвыканкама. У 2015 годзе, на 42-м з’ездзе БРСМ, абраны другім сакратаром Цэнтральнага камітэта Грамадскага аб’яднання «Беларускі рэспубліканскі саюз моладзі». У 2017 годзе абраны першым сакратаром Мінскага гарадскога камітэта Грамадскага аб’яднання «Беларускі рэспубліканскі саюз моладзі».

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 7-га склікання па 97-й Кастрычніцкай выбарчай акрузе^[2].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Кастрычніцкай акругі № 96. Член Пастаяннай камісіі па адукацыі, культуры і навуцы^[1].

Погляды і выказванні[правіць | правіць зыходнік]

У кастрычніку 2021 года ў інтэрв’ю «Минск-Новости» Сяргей Клішэвіч выступіў з ініцыятывай замяняць дыпламаваных педагогаў на ваенных пенсіянераў, настаўнікі «далёкія сёння ад паняцця „патрыятызм“»^[3].