Уладзімір Уладзіміравіч Калесніковіч

Уладзімір Уладзіміравіч Калесніковіч
Уладзімір Уладзіміравіч Калесніковіч
Нараджэнне	24 красавіка 1974 (50 гадоў); Пучыны, Лышчанскі сельсавет, Пінскі раён, Брэсцкая вобласць, БССР, СССР;
Адукацыя	БДАТУ; Акадэмія кіравання пры Прэзідэнце Рэспублікі Беларусь;
Месца працы	Пінскі раённы выканаўчы камітэт[d]; Белзамежбуд[d]; Пінсксаўгасбуд[d]; Пінскае ПМС[d];

Уладзімір Уладзіміравіч Калесніковіч (нар. 24 красавіка 1974, в. Пучыны, Пінскі раён) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь VIII склікання.

Біяграфія[правіць | правіць зыходнік]

Нарадзіўся 24 красавіка 1974 года ў в. Пучыны Пінскага раёна Брэсцкай вобласці^[1].

Скончыў Беларускі дзяржаўны аграрны тэхнічны ўніверсітэт па спецыяльнасці «Механізацыя сельскай гаспадаркі»; Акадэмію кіравання пры Прэзідэнце Рэспублікі Беларусь па спецыяльнасці «Кіраванне прадпрыемствамі аграпрамысловага комплексу»^[1].

Працаваў інжынерам-механікам, галоўным інжынерам калгаса «Ставоцкі» Пінскага раёна; намеснікам начальніка ўпраўлення па механізацыі і тэхнічным прагрэсе, начальнікам аддзела арганізацыі вытворчасці ўпраўлення сельскай гаспадаркі і харчавання, выконваючым абавязкі першага намесніка старшыні Пінскага раённага выканаўчага камітэта; начальнікам аддзела продажаў ААТ «Дэметра»; начальнікам аддзела сельскагаспадарчых праектаў, намеснікам начальніка тэрытарыяльнага ўпраўлення № 5 ЗАТ «Белзамежбуд»; інжынерам, вядучым інжынерам сектара забеспячэння УБП «Спецыялізаваная перасовачная механізаваная калона № 33» ААТ «Пінсксаўгасбуд»; вядучым інжынерам-інспектарам дзяржтэхнагляду ўпраўлення сельскай гаспадаркі і харчавання Пінскага раённага выканаўчага камітэта; дырэктарам УП «Пінскае ПМС» Пінскага раёна^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Пінскай сельскай акругі № 15. Член Пастаяннай камісіі па аграрнай палітыцы^[1].