Валасянкі

Валасянкі
Валасянка садовая (Sylvia borin)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Вераб’інападобныя Падатрад:  Пеўчыя вераб’іныя Надсямейства:  Sylvioidea Сямейства:  Валасянкавыя Род:  Валасянкі
Міжнародная навуковая назва
Sylvia Scopoli, 1769
Сістэматыка на Віківідах Выявы на Вікісховішчы ITIS   558266 NCBI   43162

Валася́нкі (Sylvia) — род птушак сямейства валасянкавых атрада вераб’інападобных.

Апісанне

Даўжыня цела 12—15 см. Апярэнне шэрае з белым, чорным або рыжаватым адценнем, мяккае. Дзюба тонкая, шылападобная.

Некаторыя віды вядомыя сваімі спевамі (напр., валасянка чорнагаловая і валасянка садовая).

Пашырэнне

Адрозніваецца 17 відаў. Пашыраны ў Еўразіі, Паўночнай Афрыцы. Жывуць на ўзлесках, у садах, парках, на лугах, у хмызняку. На Беларусі 5 пералётных відаў: валасянка завірушка, валасянка садовая, валасянка чорнагаловая, валасянка шэрая, валасянка ястрабіная.

Зімуюць у паўднёва-заходняй частцы Еўразіі і Афрыцы.

Віды

• Sylvia althaea
• Sylvia atricapilla — Валасянка чорнагаловая
• Sylvia balearica
• Sylvia boehmi
• Sylvia borin — Валасянка садовая
• Sylvia buryi
• Sylvia cantillans
• Sylvia communis — Валасянка шэрая
• Sylvia conspicillata
• Sylvia curruca — Валасянка-завірушка, ці Мельнічак
• Sylvia deserticola
• Sylvia hortensis
• Sylvia crassirostris
• Sylvia layardi
• Sylvia leucomelaena
• Sylvia lugens
• Sylvia melanocephala
• Sylvia melanothorax
• Sylvia minula
• Sylvia mystacea
• Sylvia nana
• Sylvia deserti
• Sylvia nisoria — Валасянка ястрабіная
• Sylvia rueppelli
• Sylvia sarda
• Sylvia subcaerulea
• Sylvia undata

Асаблівасці біялогіі

Гнёзды рыхлыя, шара- або чашападобныя на кустах, дрэўцах, сярод высокай травяністай расліннасці. Некаторыя высцілаюць гнёзды воласам (адсюль назва). Нясуць 4—6 яец.

Кормяцца насякомымі, іх лічынкамі і вусенямі, ягадамі.

Літаратура

• Валасянкі // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).