Ібрагім Раісі

Сеед Ібрагім Раісі
перс.: ابراهیم رئیسی
Прэзідэнт Ірана 3 жніўня 2021 — 19 мая 2024
Папярэднік	Хасан Рухані
Кіраўнік судовай улады Ірана з 7 сакавіка 2019
Папярэднік	Садык Ларыджані
Генеральны пракурор Ірана 23 жніўня 2014 — 6 сакавіка 2016
Папярэднік	Галям Хасейн Махсені-Эджэі
Пераемнік	Махамад Джафар Мантазеры
Нараджэнне	14 снежня 1960(1960-12-14) Мешхед, Central District[d], Мешхед, Іран
Смерць	19 мая 2024(2024-05-19) (63 гады) Bakrabad Rural District[d], Central District[d], Varzaqan County[d], Усходні Азербайджан, Іран
Імя пры нараджэнні	перс.: ابراهیم رئیس‌الساداتی
Жонка	Jamileh Alamolhoda[d]
Веравызнанне	іслам
Партыя	Асацыяцыя баявога духавенства
Адукацыя	Shahid Motahari University[d] Qom Seminary[d]
Дзейнасць	палітык, кадзі, факіх
Месца працы	Imam Sadiq University[d]
Аўтограф
Узнагароды	Time 100[d] (2021) Order of Islamic Revolution[d] (2021)
Сайт	raisi.ir (перс.)
Медыяфайлы на Вікісховішчы

Сеед Ібрагім Раісі (перс.: سید ابراهیم رئیسی, 14 снежня 1960(1960-12-14), Мешхед — 19 мая 2024(2024-05-19), Bakrabad Rural District^[d], Усходні Азербайджан) — палітычны і дзяржаўны дзеяч Ірана. Прэзідэнт Ірана (2021—2024).

Біяграфія

Нарадзіўся 14 снежня 1960 года ў горадзе Мешхедзе. У 1980 годзе Ібрагім Раісі атрымаў рэлігійную адукацыю і пачаў будаваць сваю кар’еру ў новай прававой сістэме, якая наступіла пасля Ісламскай рэвалюцыі. У 1985 годзе пераехаў жыць у Аан, дзе быў прызначаны на пасаду намесніка пракурора горада. У 1988 годзе прымаў удзел у арганізацыі пакарання праціўнікаў рэжыму, у тым ліку і членаў Арганізацыі маджахедаў іранскага народа. З 1989 па 1994 год займаў пасаду пракурора Тэгерана. У 1994 годзе яго павысілі да начальніка генеральнай інспекцыі Ірана.

У 2004 годзе Ібрагім Раісі быў прызначаны намеснікам пракурора Ірана. У 2005 годзе прэзідэнт Махмуд Ахмадзінежад прапанаваў яму пасаду міністра бяспекі, але той адмовіўся. У жніўні 2014 года Раісі стаў генеральным пракурорам Ірана. У сакавіку 2016 года ён сышоў у адстаўку з гэтай пасады і ўзначаліў адзін з самых багатых фондаў ісламскага свету Астан-і Кудс Разаві. У маі 2017 года стаў кандыдатам на пасаду прэзідэнта Ірана, але прайграў Хасану Рухані.

У 2019 стаў кіраўніком судовай улады.

На выбарах у чэрвені 2021 года зноў вырашыў балатавацца і перамог з істотным адрывам. За Раісі было аддадзена больш за 17,8 мільёна галасоў. Яго галоўнага суперніка Махсена Разалі, які ў мінулым узначальваў Корпус Вартавых Ісламскай рэвалюцыі (КВІР), падтрымалі больш за 3,3 мільёна выбаршчыкаў.

19 траўня 2024 года загінуў у авіякатастрофе ў правінцыі Усходні Азербайджан. Пахаваны ў Мешхедзе.

Спасылкі

• Биография Ибрагима Раиси на сайте foreignpolicy.com (англ.)
• Биография Ибрагима Раиси на сайте theguardian.com (англ.)
• Президентские выборы в Иране 2017 года (руск.)