Войтаўскі суд

Во́йтаўскі суд — мясцовы суд у гарадах Вялікага Княства Літоўскага, якія валодалі магдэбургскім правам, суд узначальваў войт.

Войтаўскі суд мог дзейнічаць і ў гарадах, якія не валодалі магдэбургскім правам. Каралева Бона ў 1551 годзе запатрабавала, каб у вялікакняжацкіх гарадах судовыя спрэчкі паміж мяшчанамі староста разглядаў не адзін, а сумесна з гарадскім войтам і 2—3 прысяжнымі.

У многіх прыватнаўласніцкіх гарадах, дзе не было ўведзена магдэбургскае права, таксама дзейнічаў або войтаўскі, або войтаўска-лаўніцкі суд.

У XVI стагоддзі былі прызначыны войты з правам уласнага суда ў Сураж, Веліж, Магілёў і іншыя гарады ВКЛ. Поруч з войтам дзейнічаў бурмістраўска-радзецкі суд.

Літаратура

• Т. І. Доўнар. Войтаўскі суд // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — С. 257—258. — 10 000 экз. — ISBN 985-11-0035-8. — ISBN 985-11-0090-0 (т. 4).
• Доўнар Т. І. Войтаўскі суд // Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — 537 с. — 20 000 экз. — ISBN 5-85700-142-0.