Герб Абхазіі
| Герб Абхазіі | |
|---|---|
 |
|
| Дэталі | |
| Зацверджаны | 23 ліпеня 1992 |
| Заснаванне | 23 ліпеня 1992 |
Дзяржаўны герб Рэспублікі Абхазія уяўляе сабой шчыт, па вертыкалі падзелены на дзве роўныя часткі — адна белага і другая зялёнага колеру. Контур герба і сюжэтнай кампазіцыі — залацістага колеру. У ніжняй частцы герба размешчаная васьміканцовая залацістая абхазская зорка.
У верхняй частцы, на белым і зялёным фоне, сіметрычна размешчаныя дзве васьміканцовыя зоркі залатога колеру.
У цэнтры герба — постаць вершніка, які ляціць на чарадзейным каню Арашэ і пасылае стралу да зорак.
Сюжэт герба звязаны з гераічным Нартскім эпасам абхазаў. Зялёны колер герба сімвалізуе маладосць і жыццё, белы — духоўнасць. Вялікая васьміканцовая зорка — салярны знак адраджэння. Малыя зоркі сімвалізуюць яднанне двух культурных міроў — Усходу і Захаду. [1]
Крыніцы[правіць | правіць зыходнік]
- ↑ Дзяржаўныя сімвалы Рэспублікі Абхазія Архівавана 28 верасня 2007.
Гл. таксама[правіць | правіць зыходнік]
 | Для паляпшэння артыкула пажадана: |
