Конкурс песні Еўрабачанне 2021

Конкурс песні Еўрабачанне 2021
Дата
1-ы паўфінал	18 мая 2021
2-і паўфінал	20 мая 2021
Фінал	22 мая 2021
Правядзенне
Месца правядзення	Ротэрдам, Нідэрланды, Rotterdam Ahoy
Вядучы(я)	Шанталь Янзен Эдсілія Ромблі Ян Сміт Нікі дэ Ягер
Супервайзер	Марцін Остэрдаль
Тэлеканал гаспадароў	AVROTROS
Удзельнікі
Колькасць краін	39
Дэбют	няма
Вяртанне	Балгарыя Украіна
Адмовіліся ад удзелу	Арменія Беларусь (дысквал.) Венгрыя Чарнагорыя
Карта ўдзельнікаў      Краіны, якія выбралі ўдзельніка або песню     Краіны, якія пацвердзілі ўдзел     Краіны, якія ўдзельнічалі раней
Галасаванне
Сістэма галасавання	50 % тэлеглядачы + 50 % журы. Кожная краіна 2 разы дае 1-8, 10, 12 балаў 10 песням: асобна журы, і асобна тэлегладачы
Конкурс песні Еўрабачанне
◄2020 2022►

Конкурс песні Еўрабачанне 2021 (англ.: Eurovision Song Contest 2021, фр.: Concours Eurovision de la chanson 2021, нідэрл.: Eurovisie Songfestival 2021) — 65-ы конкурс песні Еўрабачанне, які прайшоў у Ротэрдаме (Нідэрланды), гэта стала магчыма пасля перамогі прадстаўніка краіны Дункана Лоўрэнса ў 2019 годзе. Фінал конкурсу адбыўся 22 мая 2021, пераможцам стаў італьянскі гурт «Måneskin» з песняй «Zitti e buoni».

Скандалы і інцыдэнты

Песня Кіпра

Пасля выпуску песні «El Diablo» Элены Цагрыну, 26 лютага 2021 года царкоўныя арганізацыі Кіпра і Грэцыі заклікалі зняць песню з конкурсу з-за «д’ябальскага паслання» (назва песні з іспанскай мовы перакладаецца як «Д’ябал»). Вяшчальнік CyBC абараніў свой бок, і песня не будзе заменена.

Дыскваліфікацыя Беларусі

9 сакавіка 2021 года для ўдзелу ў конкурсе ад Беларусі была апублікаваная песня гурта «Галасы ЗМеста» «Я научу тебя», адабраная нацыянальным вяшчальнікам самастойна. Пасля гэтага ў сетцы з’явілася вялікая колькасць негатыўных водгукаў (на канале «Еўрабачання» ў YouTube відэаролік да песні набраў амаль у 10 разоў больш дызлайкаў, чым лайкаў, паставіўшы такім чынам своеасаблівы антырэкорд) і просьбаў аб дыскваліфікацыі Беларусі з конкурсу ў 2021 годзе, бо каментатары выявілі палітычны падтэкст у песні: насмешкі над акцыямі пратэсту, якія праходзяць у краіне са жніўня 2020 года, і падтрымку рэжыму Лукашэнкі.

11 сакавіка ЕВС адмовіўся дапускаць песню на конкурс і выдаліў відэаролік да яе з канала «Еўрабачання» на YouTube, бо змест песні «ставіць пад пытанне непалітычны характар конкурсу» і таму што грамадская рэакцыя на песню «можа падарваць рэпутацыю конкурсу». ЕВС запатрабаваў ад вяшчальніка Белтэлерадыёкампанія змяніць змест тэксту песні або выбраць новую. У выпадку адмовы краіна будзе дыскваліфікаваная з конкурсу.

ЕВС атрымаў і праслухаў два новых заявачных трэка ад гурта «Галасы 3Места» і пастанавіў, што новыя песні таксама парушаюць правілы, якія могуць сапсаваць рэпутацыю конкурсу.

26 сакавіка стала вядома, што Беларусь не будзе ўдзельнічаць у «Еўрабачанні-2021».

Фінал

У фінале бралі ўдзел пераможцы паўфіналаў з Нарвегіі, Ізраіля, Расіі, Азербайджана, Мальты, Літвы, Кіпра, Швецыі, Бельгіі, Украіны, Албаніі, Сербіі, Балгарыі, Малдовы, Партугаліі, Ісландыі, Сан-Марына, Швейцарыі, Грэцыі і Фінляндыі. А таксама — прадстаўнікі краін, што стаялі ля вытокаў «Еўрабачання»: Італія, Германія, Францыя, Вялікабрытанія і Іспанія. І Нідэрланды, дзе праходзіць конкурс.

У конкурсе перамог італьянскі гурт Måneskin з песняй «Zitti e buoni» («Ціхія і добрыя»). На другім месцы — Барбара Праві з Францыі з песняй Voilà. Трэцяе месца ў канкурсанта ад Швейцарыі Gjon’s Tears (сапраўднае імя — Г’ён Мухарэмай).

Спасылкі

• Афіцыйны сайт